Weight Loss: బరువు తగ్గడానికి ఏ జ్యూసులు తాగితే మంచిది? ఫిట్‌నెస్ నిపుణులు చెప్పిన నిజాలివీ..!

అతి సర్వత్రా వర్జయేత్ అన్నారు పెద్దలు. అతిగా తిన్నా, అతిగా తాగినా, అతిగా ఏ పని చేసినా పర్యవసానాలు ఎదుర్కొంటూ ఉంటాం. అలాంటిది ఏకంగా శరీరమే ఉండాల్సిన బరువు కంటే ఎక్కువగా ఉంటే ప్రతి పనిలోనూ ఇబ్బందే ఎదురవుతుంది. ముఖ్యంగా అధిక బరువు కారణంగా ఆరోగ్య సమస్యలు వస్తాయి. ఆయుష్షు తగ్గిపోతుంది. అందుకే ఈ కాలంలో బరువు తగ్గడం గురించి చాలా అవగాహన పెరుగుతోంది. బరువు తగ్గడానికి వ్యాయామం, ఫుడ్ డైట్ తో పాటూ చాలా టిప్స్ కూడా పాటిస్తారు. అయితే కొన్ని జ్యూస్ లు తాగితే బరువు ఈజీగా తగ్గవచ్చు. అవేంటంటే..

ఈ ఆహారాలు తీసుకోండి చాలు.. విటమిన్-డి లోపం మిమ్మల్ని టచ్ చేయదు..!

• బరువు తగ్గడానికి గ్రీన్ కలర్ జ్యూస్ లు బాగా సహాయపడతాయి. గ్రీన్ యాపిల్, కాలే వంటి వాటితో జ్యూస్ లు తయారు చేసుకుని తాగడం వల్ల జీవక్రియ పెరుగుతుంది. కేలరీలు బర్న్ చేయడం సులువు అవుతుంది. ఇది బరువు తగ్గడానికి సహాయపడుతుంది.

• అల్లం ఇమ్యూనిటీని పెంచడంలోనూ, జీర్ణక్రియను మెరుగ్గా ఉంచడంలోనూ సహాయపడుతుంది. క్యారెట్లు ఫైబర్ ను పుష్కంలగా కలిగి ఉంటాయి. అల్లం, క్యారెట్ రెండింటిని కలిపి జ్యూస్ తయారు చేసుకుని తాగితే బరువు తగ్గవచ్చు. ఇది పొట్ట కొవ్వును బర్న్ చేయడంలో సహాయపడుతుంది.

• వెయిట్ లాస్ డ్రింక్స్ లిస్ట్ లో బీట్రూట్ డ్రింక్ కు కూడా చాలా మంచి ఆదరణ ఉంది. బీట్రూట్ జ్యూస్ తీసుకుంటే శరీరానికి ఐరన్ బాగా అందుతుంది.

ఉల్లిపాయ నీరు తాగడం వల్ల కలిగే ఆరోగ్య లాభాల లిస్ట్ ఇదీ..!

• పాలకూర జ్యూస్ కూడా బరువు తగ్గడంలో సహాయపడుతుంది. పాలకూర జ్యూస్ కేలరీలు బర్న్ చేయడానికి ఉత్తమం. ఇది కేవలం బరువు తగ్గడాన్నే కాకుండా శరీర ఆరోగ్యాన్ని కూడా మెరుగుపరుస్తుంది.

• దోసకాయను చాలామంది నేరుగానే తింటూ ఉంటారు. మరికొందరు దోసకాయను ఇతర జ్యూస్ ల తయారీలో జోడిస్తుంటారు. నీటి శాతం అధికంగా ఉండటం వల్ల దోసకాయ జ్యూస్ బరువు తగ్గడంలో సహాయపడుతుంది. శరీరాన్ని హైడ్రేట్ గా ఉంచుతుంది.

మూత్రం రంగు ఆరోగ్యం గురించి ఏం చెబుతుందంటే..!

ఉసిరికాయ తింటే ఈ 7 రకాల వ్యక్తులకు భలే లాభాలు..!

(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

మరిన్ని ఆరోగ్య వార్తల కోసం.. ఇక్కడ క్లిక్ చేయండి.