Hezbollah: ఇజ్రాయెల్‌పై 140 రాకెట్లతో దాడి!
ABN, Publish Date - Sep 21 , 2024 | 05:19 AM
ఉత్తర ఇజ్రాయెల్‌పై హిజ్బుల్లా రాకెట్ల వర్షం కురిపించింది. శుక్రవారం 140 రాకెట్లతో దాడి చేసింది. దక్షిణ లెబనాన్‌లో దాడులకు ప్రతీకారంగానే ఈ దాడులకు దిగినట్లు తెలిపింది.
లెబనాన్‌లో దాడులకు ప్రతిగానే: హిజ్బుల్లా
ఇజ్రాయెల్‌ దాడుల్లో హిజ్బుల్లా కమాండర్‌ మృతి
జెరూసలెం, సెప్టెంబరు 20: ఉత్తర ఇజ్రాయెల్‌పై హిజ్బుల్లా రాకెట్ల వర్షం కురిపించింది. శుక్రవారం 140 రాకెట్లతో దాడి చేసింది. దక్షిణ లెబనాన్‌లో దాడులకు ప్రతీకారంగానే ఈ దాడులకు దిగినట్లు తెలిపింది. ఉత్తర ఇజ్రాయెల్‌లోని పలు మిలటరీ బ్యారెక్స్‌పై ఈ దాడులు జరిపినట్లు ప్రకటించింది. లెబనాన్‌ సరిహద్దుల నుంచి మూడు విడతలుగా రాకెట్లు దూసుకొచ్చిన విషయాన్ని ఇజ్రాయెల్‌ ఆర్మీ కూడా ధ్రువీకరించింది. ఎక్కువ శాతం రాకెట్లు మైదాన ప్రాంతాల్లో పడినట్లు తెలిపింది. మరోవైపు, లెబనాన్‌పై ఇజ్రాయెల్‌ విమానాలు ఎడతెరిపి లేకుండా దాడులు చేస్తున్నాయి.
వైమానిక దాడుల్లో 100 రాకెట్‌ లాంఛర్లను ధ్వంసం చేసినట్లు ఇజ్రాయెల్‌ రక్షణ దళం(ఐడీఎఫ్‌) ప్రకటించింది. మరోవైపు ఇజ్రాయెల్‌ వాయుసేన జరిపిన దాడిలో వెస్ట్‌బ్యాంక్‌లోని క్వాబాటియాలో కీలక ఉగ్ర కమాండర్‌ షాదీ జక్రానే హతమైనట్లు ఐడీఫ్‌ ప్రకటించింది. బీరుట్‌లో జరిపిన లక్షిత దాడుల్లో హిజ్బుల్లా అగ్ర కమాండర్‌ ఇబ్రహీం సహా 8మంది ఉగ్రవాదులు హతమైనట్లు తెలిపింది. కాగా, లెబనాన్‌లో పేజర్లు, వాకీటాకీల పేలుళ్లలో 879 మంది హిజ్బుల్లా సభ్యులు మరణించినట్లు హిజ్బుల్లా అంతర్గత నిఘా విభాగం పత్రాల ద్వారా వెల్లడైంది.
Updated Date - Sep 21 , 2024 | 05:19 AM
