Donald Trump: కోల్‌కతాలో జన్మించిన భారత సంతతి వ్యక్తికి ట్రంప్ కీలక బాధ్యతలు

అమెరికా అధ్యక్ష ఎన్నికల్లో విజయం సాధించిన తర్వాత, డొనాల్డ్ ట్రంప్ (donald trump) ప్రస్తుతం తన టీంను నిర్మించుకునే పనిలో బిజీగా ఉన్నారు. కొత్త పదవీకాలం రాకముందే ట్రంప్‌కు భారతీయులపై నమ్మకం పెరిగిందని చెప్పవచ్చు. ఎందుకంటే ట్రంప్ తన ప్రభుత్వంలో భారతీయ సంతతికి చెందిన అనేక మందిని చేర్చుకుంటున్నారు. ఈ క్రమంలోనే తాజాగా కోల్‌కతాలో జన్మించిన జే భట్టాచార్యకు(Jay Bhattacharya) ట్రంప్ పెద్ద బాధ్యతను అప్పగించారు. ఆయనను దేశంలోని అత్యున్నత ఆరోగ్య పరిశోధన, నిధుల సంస్థలలో ఒకటైన నేషనల్ ఇన్‌స్టిట్యూట్స్ ఆఫ్ హెల్త్ (NIH) డైరెక్టర్‌గా నామినేట్ చేశారు. ఈ సమాచారాన్ని సోషల్ మీడియా వేదికగా వెల్లడించారు.

మొదటి ఇండియన్

దీంతో డోనాల్డ్ ట్రంప్ చేత టాప్ అడ్మినిస్ట్రేటివ్ పోస్ట్‌కు నామినేట్ చేయబడిన మొదటి భారతీయ-అమెరికన్ జే భట్టాచార్య కావడం విశేషం. అంతకుముందు టెస్లా కంపెనీ యజమాని ఎలాన్ మస్క్‌తో కలిసి కొత్తగా ఏర్పడిన ప్రభుత్వ సమర్థతా విభాగానికి నాయకత్వం వహించడానికి ట్రంప్ భారతీయ-అమెరికన్ వివేక్ రామస్వామిని ఎంచుకున్నారు. ఇది స్వచ్ఛంద స్థానం, US సెనేట్ ద్వారా నిర్ధారణ దీనికి అవసరం లేదు.

జై భట్టాచార్య ఎవరు?

జే భట్టాచార్య 1968లో కోల్‌కతాలో జన్మించారు. స్టాన్‌ఫోర్డ్ విశ్వవిద్యాలయం నుంచి ఎకనామిక్స్‌లో MD, PhD కలిగి ఉన్నారు. జయంత్ భట్టాచార్య స్టాన్‌ఫోర్డ్ యూనివర్శిటీలో మెడిసిన్, ఎకనామిక్స్, హెల్త్ రీసెర్చ్ పాలసీలో ఒక అమెరికన్ ప్రొఫెసర్. ఆయన స్టాన్‌ఫోర్డ్ సెంటర్ ఫర్ డెమోగ్రఫీ అండ్ ఎకనామిక్స్ ఆఫ్ హెల్త్ అండ్ ఏజింగ్ డైరెక్టర్‌గా పనిచేశారు. 2020, 2021 సంవత్సరాల్లో కరోనా మహమ్మారి అమెరికాతో సహా ప్రపంచవ్యాప్తంగా విధ్వంసం సృష్టించినప్పుడు, లాక్డౌన్లు విధించబడ్డాయి. అప్పుడు జై భట్టాచార్య లాక్‌డౌన్‌ను వ్యతిరేకించారు. కోవిడ్ -19 మహమ్మారి సమయంలో పెద్ద ఎత్తున లాక్‌డౌన్ విధించడాన్ని బహిరంగంగా వ్యతిరేకించినప్పుడు జై భట్టాచార్య వెలుగులోకి వచ్చారు.

డొనాల్డ్ ట్రంప్ ఏం చెప్పారు?

జే భట్టాచార్య M.D., Ph.Dని ఎంపిక చేయడం పట్ల తాను గర్వపడుతున్నానని డోనాల్డ్ ట్రంప్ ప్రకటించారు. NIH డైరెక్టర్‌గా డాక్టర్ రిచర్డ్స్‌ను నామినేట్ చేయడం చాలా ఆనందంగా ఉందన్నారు. డా. భట్టాచార్య రాబర్ట్ ఎఫ్. కెన్నెడీ జూనియర్, దేశం వైద్య పరిశోధనలకు మార్గనిర్దేశం చేస్తారని ధీమా వ్యక్తం చేశారు. దీంతోపాటు ఆరోగ్యాన్ని మెరుగుపరిచే, ప్రాణాలను కాపాడే ముఖ్యమైన ఆవిష్కరణలను ప్రోత్సహించడానికి సహకరిస్తామని అభిప్రాయం వ్యక్తం చేశారు. డోనాల్డ్ ట్రంప్ US ట్రేడ్ రిప్రజెంటేటివ్ (USTR)గా జామీసన్ గ్రీర్, కెవిన్ ఎ. వైట్ హౌస్ నేషనల్ ఎకనామిక్ కౌన్సిల్ డైరెక్టర్‌గా హాసెట్ నియమితులయ్యారు.

ఇవి కూడా చదవండి:

Personal Finance: నెలకు రూ. 5 వేలు సేవ్ చేస్తే.. రూ. 2 కోట్ల కోసం ఎన్నేళ్లు కట్టాలి..

Fengal Cyclone Alert: భారీ తుపాను హెచ్చరిక.. స్కూళ్లు, కాలేజీలు బంద్..

Bank Holidays: వచ్చే నెలలో 17 రోజులు బ్యాంకులు బంద్.. కారణమిదే..

Investment Tips: 20 ఏళ్లలో రూ. 5 కోట్లు సంపాదించాలంటే.. ఏ స్కీంలో పెట్టుబడి చేయాలి..

Read More International News and Latest Telugu News