అమెరికా పోలీసుల అదుపులో అన్మోల్‌ బిష్ణోయ్‌
ABN, Publish Date - Nov 19 , 2024 | 02:46 AM
గ్యాంగ్‌స్టర్‌ లారెన్స్‌ బిష్ణోయ్‌ సోదరుడు అన్మోల్‌ బిష్ణోయ్‌ను అమెరికాలోని కాలిఫోర్నియో పోలీసులు అదుపులోకి తీసుకున్నట్టు సమాచారం అందింది.
ముంబయి, నవంబరు 18: గ్యాంగ్‌స్టర్‌ లారెన్స్‌ బిష్ణోయ్‌ సోదరుడు అన్మోల్‌ బిష్ణోయ్‌ను అమెరికాలోని కాలిఫోర్నియో పోలీసులు అదుపులోకి తీసుకున్నట్టు సమాచారం అందింది. ముంబయిలోని బాంద్రాలో సినీహీరో సల్మాన్‌ఖాన్‌ ఇంటివద్ద జరిగిన కాల్పులు, ఎన్‌సీపీ నాయకుడు బాబా సిద్దిఖీ హత్య కేసులో అన్మోల్‌ నిందితుడిగా ఉన్నాడు. దీనిపై దర్యాప్తు జరిపిన పోలీసులు పరారీలో ఉన్న అన్మోల్‌పై నాన్‌బెయిల్‌బుల్‌ వారెంటును జారీ చేశారు. మరో రెండు క్రిమినల్‌ కేసుల్లో ఎన్‌ఐఏ కూడా విచారణ జరుపుతోంది. దాదాపు 20 క్రిమినల్‌ కేసులు ఉండడంతో అతడిని అప్పగించాలని అమెరికా ప్రభుత్వాన్ని కోరింది.
Updated Date - Nov 19 , 2024 | 02:46 AM
