IMD: ఐఎండీ అలర్ట్.. ఆగస్టు 24 వరకు ఈ ప్రాంతాల్లో వర్షాలు
ABN, Publish Date - Aug 19 , 2024 | 08:48 AM
భారతదేశంతో సహా దేశంలోని చాలా ప్రాంతాలలో రుతుపవనాలు చురుకుగా ఉన్నాయి. ఈ క్రమంలోనే రానున్న నాలుగు రోజుల పాటు జమ్మూ, లక్షద్వీప్‌లతో పాటు దేశంలోని పలు ప్రాంతాల్లో తేలికపాటి వర్షాలు కురిసే అవకాశం ఉందని వాతావరణ శాఖ హెచ్చరించింది.
వాయువ్య నుంచి ఈశాన్యం, దక్షిణ భారతదేశంతో సహా దేశంలోని చాలా ప్రాంతాలలో రుతుపవనాలు చురుకుగా ఉన్నాయి. ఆదివారం కూడా హిమాచల్ ప్రదేశ్, పంజాబ్, హర్యానా సహా తెలుగు రాష్ట్రాల్లో వర్షాలు(rains) కురిశాయి. ఇదే సమయంలో ఒడిశాలో పిడుగుపాటుకు ఆరుగురు ప్రాణాలు కోల్పోయారు. అయితే రానున్న నాలుగు రోజుల పాటు జమ్మూ, లక్షద్వీప్‌లతో పాటు దేశవ్యాప్తంగా తేలికపాటి వర్షాలు కురిసే అవకాశం ఉందని వాతావరణ శాఖ హెచ్చరికలు జారీ చేసింది. హిమాచల్ ప్రదేశ్‌లో ఆదివారం ఉదయం వర్షం కారణంగా వాహనాల రాకపోకల కోసం 95 రోడ్లను మూసివేశారు.
యూపీ సహా
జమ్మూ డివిజన్‌లో ఆగస్టు 19 వరకు, హిమాచల్ ప్రదేశ్, పశ్చిమ ఉత్తరప్రదేశ్‌లలో ఆగస్టు 21 వరకు, ఉత్తరాఖండ్‌లో ఆగస్టు 24 వరకు, పంజాబ్, హర్యానా-చండీగఢ్‌లలో ఆగస్టు 20, 21 తేదీల్లో భారీ వర్షాలు కురిసే అవకాశం ఉందని IMD తెలిపింది. తూర్పు ఉత్తరప్రదేశ్‌లో ఆగస్టు 21 నుంచి 24 వరకు, తూర్పు రాజస్థాన్‌లో ఆగస్టు 22 నుంచి 24 వరకు ఉరుములతో కూడిన వర్షాలు కురుస్తాయి. ఇదే సమయంలో తూర్పు ఉత్తరప్రదేశ్, ఉత్తరాఖండ్‌లోని కొన్ని చోట్ల భారీ వర్షాలు కురిసే అవకాశం ఉందని ఐఎండీ వెల్లడించింది.
హిమాచల్ ప్రదేశ్‌లో
హిమాచల్ ప్రదేశ్‌లో ఆగస్టు 21 వరకు భారీ వర్షాలు కురుస్తాయని సిమ్లాకు చెందిన వాతావరణ కేంద్రం ప్రకటించింది. ఈ సమయంలో రాష్ట్రంలోని మైదాన ప్రాంతాలు, దిగువ కొండ, మధ్య కొండ జిల్లాల్లో మెరుపులతో పాటు వర్షం పడే అవకాశం ఉంది. అదే సమయంలో జమ్మూ డివిజన్‌లో ఎడతెరిపి లేకుండా వర్షాలు కురుస్తున్నాయి. వర్షం కారణంగా ఉష్ణోగ్రత గణనీయంగా పడిపోయింది. ఆగస్టు 22 వరకు జమ్మూ కశ్మీర్‌లో రుతుపవనాలు చురుకుగా ఉన్నాయి. ఈ క్రమంలో ఉత్తరాఖండ్‌లో తేలికపాటి నుంచి మోస్తరు వర్షాలు కురుస్తాయని వాతావరణ శాఖ తెలిపింది. వర్షం కారణంగా కొండ ప్రాంతాల్లో కొండచరియలు విరిగిపడే అవకాశం ఉంది. ఉత్తరాఖండ్‌లో ఆగస్టు 20 వరకు భారీ వర్షాలు కురుస్తాయని IMD అంచనా వేసింది.
20 వరకు వర్షాలు
IMD ప్రకారం దక్షిణ బంగ్లాదేశ్‌లో అల్పపీడనం ఏర్పడింది. దీని ప్రభావంతో ఆగస్టు 20 వరకు పశ్చిమ బెంగాల్‌లోని గంగా తీరం, తూర్పు భారతదేశంలోని కొన్ని ప్రాంతాల్లో భారీ వర్షాలు కురిసే అవకాశం ఉంది. ఇది కాకుండా సబ్ హిమాలయన్ పశ్చిమ బెంగాల్‌లో కూడా ఆగస్టు 21 వరకు అనేక ప్రాంతాల్లో కుండపోత వర్షాలు కురుస్తాయి.
ఇవి కూడా చదవండి:
Monkeypox: పాకిస్థాన్‌ను తాకిన మంకీపాక్స్.. ఇండియాలో కూడా వ్యాపిస్తుందా, దీని లక్షణాలేంటి?
ఆగస్టు 20న 18 రాష్ట్రాల్లో వర్షాలు
ఆగస్టు 20న మధ్యప్రదేశ్, మహారాష్ట్ర, ఛత్తీస్‌గఢ్, గోవా, బీహార్, జార్ఖండ్, ఒడిశా, సిక్కిం, పశ్చిమ బెంగాల్, అస్సాం, మేఘాలయ, నాగాలాండ్, మణిపూర్, మిజోరాం, త్రిపుర, పుదుచ్చేరి, తెలంగాణ, కర్ణాటక రాష్ట్రాల్లో వాతావరణ శాఖ హెవీ రెయిన్ అలర్ట్ ప్రకటించింది.
ఇవి కూడా చదవండి:
Supreme Court : కోల్‌కతా హత్యాచారంపై సుప్రీంకోర్టు విచారణ
Saving Scheme: రోజూ ఇలా రూ.200 సేవ్ చేయండి.. రూ.28 లక్షలు పొందండి..
Read More National News and Latest Telugu News
Updated Date - Aug 19 , 2024 | 08:51 AM
