Sadhguru Jaggi Vasudev: సద్గురుకి ఉపశమనం.. ఇషా ఫౌండేషన్‌పై కేసు విషయంలో ఊరట

సద్గురు జగ్గీ వాసుదేవ్(Sadhguru Jaggi Vasudev) ఇషా ఫౌండేషన్‌కు(isha foundation) సుప్రీంకోర్టు(Supreme Court) నుంచి ఉపశమనం లభించింది. ఈ క్రమంలో ఇషా ఫౌండేషన్‌పై కేసులన్నింటినీ సుప్రీంకోర్టు రద్దు చేసింది. కోయంబత్తూర్‌లోని జగ్గీ వాసుదేవ్‌కి చెందిన ఇషా ఫౌండేషన్‌లో తన ఇద్దరు కూతుళ్ల బ్రెయిన్‌వాష్ చేసి బలవంతంగా జీవించేలా చేశారని ఓ తండ్రి హెబియస్ కార్పస్ పిటిషన్‌లో ఈ ఫౌండేషన్‌పై ఫిర్యాదు చేశారు. ఈ నేపథ్యంలో సీజేఐ డీవై చంద్రచూడ్, జస్టిస్ జేబీ పార్దివాలా, జస్టిస్ మనోజ్ మిశ్రాలతో కూడిన ధర్మాసనం మహిళలిద్దరూ పెద్దవాళ్లేనని తీర్పునిచ్చింది. అక్కాచెల్లెళ్లిద్దరూ తమ ఇష్టానుసారం ఇషా ఫౌండేషన్‌లో నివసిస్తున్నామని కోర్టులో వాంగ్మూలం ఇచ్చారు. అయితే ఇద్దరు సోదరీమణుల ప్రకటన తర్వాత సద్గురు జగ్గీ వాసుదేవ్ ఉపశమనం పొందారు.

ప్రభుత్వం

మేము ఇద్దరు మహిళలతో మాట్లాడి రికార్డ్ చేశామని, వారిద్దరూ తమ ఇష్టానుసారం అక్కడ నివసిస్తున్నారని ఇలాంటి క్రమంలో హెబియస్ కార్పస్ పిటిషన్‌ను రద్దు చేస్తున్నట్లు ప్రధాన న్యాయమూర్తి అన్నారు. అయితే తమ ఉత్తర్వులు పోలీసుల విచారణను ఆపలేవని ధర్మాసనం స్పష్టం చేసింది. ఆశ్రమంలో ఏదైనా లోటు ఉంటే తమిళనాడు ప్రభుత్వం పరిశీలించవచ్చని తీర్పును వెలువరిస్తూ సుప్రీంకోర్టు స్పష్టం చేసింది. తండ్రులు వారి కుమార్తెలను కలుసుకోవచ్చన్నారు. తండ్రితో కూడా మాట్లాడి ఎదిగిన తన పిల్లల జీవితాలను నియంత్రించలేరని పేర్కొన్నారు.

స్టేటస్ రిపోర్ట్

ఇషా ఫౌండేషన్ తరఫున సీనియర్ న్యాయవాది ముకుల్ రోహత్గీ ఈరోజు మాట్లాడుతూ తమిళనాడు పోలీసుల స్టేటస్ రిపోర్టులో కూడా మహిళలు తమ ఇష్టానుసారం ఆశ్రమంలో నివసిస్తున్నారని చెప్పారు. మహిళలను అక్రమంగా బందీలుగా ఉంచినట్లు ఎలాంటి ఆధారాలు లభించలేదని పోలీసులు కోర్టుకు తెలిపారు. ఆశ్రమంలో మహిళలు, మైనర్ పిల్లలు ఉన్నప్పుడు, అంతర్గత ఫిర్యాదుల కమిటీ (ICC) అవసరం. ఇది ఏదైనా సంస్థను అప్రతిష్టపాలు చేయడానికి ఉద్దేశించినది కాదు. కానీ కొన్ని అవసరాలు తప్పనిసరిగా పాటించాలి.

జగ్గీ వాసుదేవ్ ఎవరు?

భారతదేశంలోని అత్యంత ప్రభావవంతమైన వ్యక్తుల జాబితాలో సద్గురు జగ్గీ వాసుదేవ్ కూడా ఒకరు. ఆయన ప్రస్తుతం ఇషా ఫౌండేషన్ (సద్గురు జగ్గీ వాసుదేవ్ ఇషా ఫౌండేషన్) కార్యకలాపాలు నిర్వహిస్తున్నారు. బాలికల నిర్ణయం దృష్ట్యా సుప్రీంకోర్టు ఈ కేసును ముగించింది. సద్గురు జగ్గీ వాసుదేవ్‌కి వివిధ సోషల్ మీడియా సైట్‌లలో కోట్లాది మంది ఫాలోవర్లు ఉన్నారు. ఇద్దరు అమ్మాయిలను బలవంతంగా సన్యాసులుగా చేసి తన కేంద్రంలో బంధించారనేది ఆయనపై వచ్చిన ఆరోపణ.

ఇవి కూడా చదవండి:

Lay Offs: మళ్లీ వాట్సాప్, ఇన్‌స్టాగ్రామ్‌లో లే ఆఫ్స్.. భయాందోళనలో టెకీలు..

Firecracker Insurance: ఫైర్‌క్రాకర్స్‌తో గాయపడితే ఇన్సూరెన్స్ పాలసీ.. ఫోన్ పే నుంచి కొత్త స్కీం..

Gold Investment: ఫిజికల్ గోల్డ్ లేదా డిజిటల్ గోల్డ్.. వీటిలో ఏ పెట్టుబడి బెస్ట్

Investment Tips: ఒకేసారి రూ. 12 లక్షలు పెట్టుబడి చేసి మరచిపోండి.. ఆ తర్వాత ఎంతవుతుందంటే..

Read More National News and Latest Telugu News