Kidnapping Case: ప్రజ్వల్ తల్లికి షాక్, అరెస్టుపై ఊహాగానాలు...
ABN, Publish Date - May 31 , 2024 | 09:17 PM
కిడ్నాప్ కేసులో ఆరోపణలు ఎదుర్కొంటున్న జేడీఎస్ ఎమ్మెల్యే హెచ్‌డీ రేవణ్ణ భార్య భవానీ రేవణ్ణ కు కర్ణాటక స్థానిక కోర్టులో చుక్కెదురైంది. ఆ కేసులో ముందస్తు బెయిలు కోరుతూ ఆమె వేసిన పిటిషన్‌ను కోర్టు శుక్రవారంనాడు తోసిపుచ్చింది.
బెంగళూరు: మహిళను కిడ్నాప్ చేసిన కేసు (Kidnapping Case)లో ఆరోపణలు ఎదుర్కొంటున్న జేడీఎస్ ఎమ్మెల్యే హెచ్‌డీ రేవణ్ణ భార్య భవానీ రేవణ్ణ (Bhavani Revanna)కు కర్ణాటక స్థానిక కోర్టులో చుక్కెదురైంది. ఆ కేసులో ముందస్తు బెయిలు కోరుతూ ఆమె వేసిన పిటిషన్‌ను కోర్టు తోసిపుచ్చింది. కిడ్నాపింగ్ కేసులో హెచ్‌డీ రేవణ్ణ, ఆయన కుమారుడు ప్రజ్వల్ రేవణ్ణతో సహా భవానీ రేవణ్ణ పేరు కూడా ఉంది. విచారణలో పాల్గొనాల్సిందిగా భవానీ రేవణ్ణకు 'సిట్' ఇటీవల నోటీసు పంపిన క్రమంలో ఆమె ముందస్తు బెయిలుకు వెళ్లారు. ఇదే కేసులో హెచ్‌డీ రేవణ్ణకు కోర్టు ఇప్పటికే బెయిల్ మంజూరు చేసింది.
Prajwal Revanna: ప్రజ్వల్‌కు లైంగిక సామర్ధ్య పరీక్షలు..?
కాగా, జూన్ 1న తమ ముందు హాజరుకావాల్సిందిగా భవానీ రేవణ్ణకు 'సిట్' శుక్రవారంనాడు నోటీసు పంపింది. ఆమె విజ్ఞప్తి మేరకు హెలెనర్సిపూర్‌లోని చెన్నాంబికా నివాసంలో శనివారం ఉదయం 10 గంటల నుంచి మధ్యాహ్నం 5 గంటల లోపు 'సిట్' టీమ్ ప్రశ్నించనుంది. మహిళా అధికారులతో టీమ్‌తో కలిసి తామే స్వయంగా వస్తున్నట్టు సిట్ ఆ నోటీసులో పేర్కొంది. ఈ క్రమంలో ముందస్తు బెయిల్ పిటిషన్‌ను కోర్టు తోసిపుచ్చడంతో విచారణ అనంతరం ఆమెను సిట్ టీమ్ అరెస్టు చేసే అవకాశాలు కనిపిస్తున్నాయి.
For Latest News and National News click here
Updated Date - May 31 , 2024 | 09:34 PM
