Narendra Modi: టాటా పవర్‌చిప్ సెమీకండక్టర్ యూనిట్‌కు ప్రధాని మోదీ శంకుస్థాపన
ABN, Publish Date - Mar 13 , 2024 | 12:09 PM
చిప్స్ ఫర్ విక్షిత్ భారత్ కార్యక్రమంలో భాగంగా రూ. 1.25 లక్షల కోట్ల విలువైన మూడు సెమీకండక్టర్ ప్రాజెక్టులకు ప్రధాని నరేంద్ర మోదీ(narendra Modi) ఈరోజు(మార్చి 13న) శంకుస్థాపన చేశారు.
చిప్స్ ఫర్ విక్షిత్ భారత్ కార్యక్రమంలో భాగంగా రూ. 1.25 లక్షల కోట్ల విలువైన మూడు సెమీకండక్టర్ ప్రాజెక్టులకు ప్రధాని నరేంద్ర మోదీ(narendra Modi) ఈరోజు(మార్చి 13న) శంకుస్థాపన చేశారు. వీటిలో గుజరాత్‌(gujarat)లోని ధోలేరా(Dholera)లో టాటా-పవర్‌చిప్ సెమీకండక్టర్ మాన్యుఫ్యాక్చరింగ్ కార్పోరేషన్ చిప్ ఫ్యాబ్రికేషన్ యూనిట్, సనంద్‌లో CG పవర్ రెనెసాస్ అవుట్‌సోర్స్డ్ అసెంబ్లీ యూనిట్, అసోం మోరిగావ్‌లో అవుట్‌సోర్స్ సెమీకండక్టర్ అసెంబ్లీ టెస్ట్ (OSAT) యూనిట్ ఉన్నాయి. ఈ సందర్భంగా మేము ఉజ్వల భవిష్యత్తు వైపు అడుగులు వేస్తున్నామని మోదీ అన్నారు. ఈరోజు చారిత్రాత్మకమైన రోజని, చరిత్రను సృష్టిస్తున్నట్లు అభిప్రాయం వ్యక్తం చేశారు.
ధొలేరా స్పెషల్ ఇన్వెస్ట్‌మెంట్ రీజియన్ (DSIR)లో సెమీకండక్టర్ ఫ్యాబ్రికేషన్ సదుపాయాన్ని టాటా ఎలక్ట్రానిక్స్ ప్రైవేట్ లిమిటెడ్ (TEPL) ఏర్పాటు చేస్తుంది. ఇది మొత్తం రూ.91,000 కోట్ల పెట్టుబడితో దేశంలోనే తొలి కమర్షియల్ సెమీకండక్టర్ ఫ్యాబ్‌గా ఏర్పాటవుతుంది. సెమీకండక్టర్ అసెంబ్లీ, టెస్టింగ్, మార్కింగ్, ప్యాకేజింగ్ (ATMP) కోసం సవరించిన పథకం కింద సనంద్‌లో అవుట్‌సోర్స్ సెమీకండక్టర్ అసెంబ్లీ, టెస్ట్ (OSAT) సదుపాయాన్ని ఏర్పాటు చేస్తున్నారు. దీని మొత్తం పెట్టుబడి(investment) దాదాపు రూ.7,500 కోట్లు.
దీంతోపాటు అస్సాం(assam)లోని మోరిగావ్‌లో అవుట్‌సోర్స్ సెమీకండక్టర్ అసెంబ్లీ, టెస్ట్ (OSAT) సౌకర్యాన్ని ఏర్పాటు చేస్తుండగా, దీని మొత్తం పెట్టుబడి విలువ దాదాపు రూ.27,000 కోట్లు. ఈ సౌకర్యాల ద్వారా సెమీకండక్టర్ పర్యావరణ వ్యవస్థ బలోపేతం అవుతుందని ప్రభుత్వం భావిస్తోంది. ఈ సెమీకండక్టర్ పరిశ్రమల ద్వారా వేలాది మంది విద్యార్థులతో సహా యువతకు భారీ సంఖ్యలో ఉద్యోగాలు లభిస్తాయని అధికారులు పేర్కొన్నారు.
టాటా(tata) ఎలక్ట్రానిక్స్ పవర్‌చిప్ సెమీకండక్టర్ మాన్యుఫ్యాక్చరింగ్ కార్పొరేషన్ (PSMC) భాగస్వామ్యంతో భారతదేశపు మొట్టమొదటి AI ఎనేబుల్డ్ స్టేట్ ఆఫ్ ది ఆర్ట్ ఫ్యాబ్‌ను నిర్మిస్తుంది. ఇది నెలకు 50,000 వేఫర్‌ల తయారీ సామర్థ్యాన్ని కలిగి ఉంది. ఇక్కడ కొత్త సెమీకండక్టర్ ఫ్యాబ్ పవర్ మేనేజ్‌మెంట్ ICలు, డిస్‌ప్లే డ్రైవర్లు, మైక్రోకంట్రోలర్‌లు (MCUలు), అధిక పనితీరు గల కంప్యూటింగ్ లాజిక్ వంటి అప్లికేషన్‌ల కోసం చిప్‌లను తయారు చేస్తారు.
మరిన్ని తాజా వార్తల కోసం ఇక్కడ క్లిక్ చేయండి: AI Scam: వామ్మో పేరెంట్స్ లక్ష్యంగా కొత్త ఏఐ స్కామ్.. ఇది మీకు తెలుసా?
Updated Date - Mar 13 , 2024 | 12:09 PM
