PM Modi: మోదీ తాడాసనం వీడియో..!!

ఢిల్లీ: ఇప్పుడు అంతా బిజీ లైఫ్. పిల్లలు స్కూల్‌ వెళుతూ తీరిక లేకుండా ఉంటారు. యువత చదువు, జాబ్‌ చేస్తూ హడావిడిగా ఉంటారు. శారీరక శ్రమ తప్పనిసరి అని వైద్యులు పదే పదే చెబుతుంటారు. అనారోగ్య సమస్యలు, అనర్థాలకు కారణం శారీరక శ్రమ లేకపోవడమే అంటుంటారు. యోగ చేయడం వల్ల శారీరక శ్రమతోపాటు మానసికంగా బాగుంటారని వివరిస్తున్నారు. యోగాలో చాలా ఆసనాలు ఉంటాయి. అందులో తాడాసనానికి ప్రాధాన్యం ఉంది.

తాడాసనం అంటే..?

‘తాడాసనం శరీరానికి మంచిది. శరీర భాగాల స్థితిని క్రమంలో ఉంచడంలో సాయ పడుతుంది. ఆసనం శరీరాకృతిని మెరుగు పరుస్తోంది. ఛాతి భాగం, వెన్నెముకను దృఢంగా ఉంచుతుంది. ఏకాగ్రతను పెంచుతుంది. తాడాసనం వేసి ఒత్తిడిని జయించొచ్చు. నాడీ మండలాన్ని బలోపేతం చేస్తోంది. కాలి మడమ, తొడ కండరాలు బలంగా తయారవుతాయి. ఎత్తు పెరగాలని అనుకునే పిల్లలకు చక్కటి ఆసనం తాడాసనం అని’ నిపుణులు వివరించారు.

యోగా దినోత్సవం

ప్రతి సంవత్సరం జూన్ 21వ తేదీన యోగా దినోత్సవం నిర్వహిస్తారు. పదేళ్ల క్రితం ఐక్యరాజ్యసమితిలో యోగా దినోత్సవం గురించి భారతదేశం ప్రతిపాదించింది. అన్ని దేశాలు ఆమోదించడంతో జూన్ 21వ తేదీన యోగా డేగా జరుపుకుంటారు. మరో వారం రోజుల్లో యోగా దినోత్సవం ఉంది. సో.. ఇప్పటినుంచే యోగ ఆసనాల గురించి ప్రధాని మోదీ వివరిస్తున్నారు.