Aircraft crash: కుప్పకూలిన శిక్షణ విమానం.. గాయపడిన మహిళా పైలట్
ABN, Publish Date - Mar 06 , 2024 | 06:58 PM
విమానంలో సాంకేతిక లోపం తలెత్తడంతో శిక్షణా విమానం కుప్పకూలిన ఘటన మధ్యప్రదేశ్‌ లోని గుణలో బుధవారంనాడు చోటుచేసుకుంది. ఈ ఘటనలో మహిళా ట్రైనీ పైలట్ గాయపడింది. నీముచ్ నుంచి ధనకు విమానం ప్రయాణిస్తుండగా సాంకేతిక లోపం తలెత్తింది.
గుణ: విమానంలో సాంకేతిక లోపం తలెత్తడంతో శిక్షణా విమానం (Trainer Aircraft) కుప్పకూలిన ఘటన మధ్యప్రదేశ్‌ (Madhya Pradesh)లోని గుణ(Guna)లో బుధవారంనాడు చోటుచేసుకుంది. ఈ ఘటనలో మహిళా ట్రైనీ పైలట్ గాయపడింది. నీముచ్ నుంచి ధనకు విమానం ప్రయాణిస్తుండగా సాంకేతిక లోపం తలెత్తింది. దీంతో అత్యవసరంగా విమానాన్ని ల్యాండింగ్ చేయాల్సి వచ్చింది. ఈ క్రమంలో విమానం అదుపుతప్పి కుప్పకూలడంతో అందులోని మహిళా ట్రైనీ పైలట్ గాయపడినట్టు గుణ సబ్‌ ఇన్‌స్పెక్టర్ చంచల్ తివారి తెలిపారు. ఆమెను వెంటనే స్థానిక ఆసుపత్రికి తరలించినట్టు చెప్పారు.
Updated Date - Mar 06 , 2024 | 07:00 PM
