Benefits of Amla : ఉదయమే ఉసిరి తింటే?

హెల్త్‌ వెల్త్‌

ఉసిరితో ఒరిగే ప్రయోజనాల గురించి మనందరికీ తెలిసిందే! అయితే ఉసిరిని పరగడుపున తింటే వ్యాధినిరోధక శక్తి పెరగడంతో పాటు, పెద్దపేగు ఆరోగ్యం కూడా భేషుగ్గా ఉంటుంది. ఉసిరితో అందే ఇంకొన్ని ఆరోగ్య ప్రయోజాలు ఏవంటే...

• విటమిన్‌ సి సమృద్ధిగా దొరికే ఉసిరిని పరగడుపున తింటే వ్యాధులతో పోరాడే వ్యాధినిరోధకశక్తి పెరగడంతో పాటు, సీజనల్‌ రుగ్మతలైన జలుబు, దగ్గులు కూడా దరి చేరకుండా ఉంటాయి.

• ఉసిరి జీర్ణరసాలను ప్రేరేపింంచి, పేగుల ఆరోగ్యాన్ని పెంచుతుంది. దాంతో జీర్ణశక్తి పెరగడంతో పాటు, పోషకాల శోషణ కూడా మెరుగవుతుంది. మలబద్ధకం కూడా వదులుతుంది.

• ఉసిరిలోని యాంటీఆక్సిడెంట్లు, విటమిన్‌ సిలు, చర్మానికి బిగుతునిచ్చే కొల్లాజెన్‌ ఉత్పత్తిని పెంచుతాయి. దాంతో చర్మం మీద ముడతలు తొలగి చర్మం నునుపుగా మారుతుంది.

• చెడు కొలెస్ట్రాల్‌ తగ్గి మంచి కొలెస్ట్రాల్‌ పెరుగుతుంది. దాంతో గుండె జబ్బులు దరి చేరకుండా ఉంటాయి. ఉసిరితో అధిక రక్తపోటు అదుపులోకొస్తుంది.

• మెటబాలిజం పెరిగి, శరీరంలోని విషాలు బయటకు వెళ్లిపోయి శరీర బరువు కూడా అదుపులోకొస్తుంది. ఉసిరిలోని పీచు ఆకలిని అదుపులో ఉంచి, అదనపు క్యాలరీలు శరీరంలోకి చేరకుండా నియంత్రిస్తుంది.

• రక్తంలోని చక్కెర మోతాదులు క్రమబద్ధమై మధుమేహులకు ప్రయోజనాన్ని అందిస్తుంది. అలాగే మధుమేహ సంబంధ ఆరోగ్య సమస్యల నుంచి రక్షణ పొందాలన్నా, పరగడుపున ఉసిరి తినాలి.

• యాంటీ ఇన్‌ఫ్లమేటరీ గుణాలు కలిగిన ఉసిరి తింటే కీళ్ల నొప్పులు తగ్గుతాయి.

• ఉసిరి శరీరంలోని విషాలను హరిస్తుంది. కాబట్టి కాలేయం ఆరోగ్యంగా ఉండాలనుకుంటే ఉదయాన్నే ఉసిరి తినాలి.