Guava Leaves: ఈ ఆకును మరిగించి రాసుకుంటే నల్లని వెంట్రుకలు మీ సొంతం..

Guava Leaves: ఈ రోజుల్లో ప్రతి ఒక్కరూ జుట్టు రాలే సమస్యతో బాధపడుతున్నారు. చెడు జీవనశైలి, ఒత్తిడి కారణంగా జుట్టు వేగంగా రాలడం ప్రారంభమవుతుంది. జుట్టు రాలడాన్ని నివారించడానికి ప్రజలు అనేక ఇంటి నివారణలను అనుసరిస్తారు. అటువంటి ప్రభావవంతమైన నివారణలలో ఒకటి జామ ఆకులు. ఇది జుట్టు చిట్లడం, పగుళ్లు రాకుండా చేస్తుంది. జామ ఆకుల్లో యాంటీ ఆక్సిడెంట్లు ఉంటాయి. ఇవి జుట్టుకు ఎంతో మేలు చేస్తాయి. జామ ఆకుల్లోని విటమిన్ సి, విటమిన్ బి కాంప్లెక్స్, లైకోపీన్ వెంట్రుకలు రాలడాన్ని తగ్గిస్తాయి. జామ ఆకులను జుట్టుకు ఎలా ఉపయోగించాలో ఇప్పుడు తెలుసుకుందాం.

జామ నీరు:

జుట్టు రాలడాన్ని తగ్గించడానికి జామ ఆకు నీటిని ఉపయోగించండి. దీని కోసం 10-12 జామ ఆకులను శుభ్రం చేసి, వాటిని నీటిలో సుమారు 20 నిమిషాలు ఉడకబెట్టండి. దీన్ని చల్లారనిచ్చి షాంపూలా జుట్టుకు పట్టించి కడగండి. వారానికి 2-3 సార్లు ఇలా చేస్తే మీ జుట్టు చిట్లడం, రాలిపోవడం త్వరగా తగ్గుతుంది.

జామ ఆకు నూనె..

జామ ఆకు నూనె జుట్టు బలంగా, ఒత్తుగా మార్చడానికి ఉపయోగపడుతుంది. జామ ఆకుల నుండి నూనె తయారు చేయడం చాలా సులభం. ఇందుకోసం జామ ఆకులను కడిగి ఎండబెట్టి కొబ్బరినూనెలో మరిగించాలి. ఆకుల రంగు మారే వరకు నూనె వేయాలి. నూనె చల్లారాక.. తర్వాత జుట్టుకు మసాజ్ చేయాలి. ఈ నూనెను సిద్ధం చేసి, మీ జుట్టుకు వారానికి 2-3 సార్లు అప్లై చేయండి.

(Note : ఇక్కడ ఇవ్వబడిన సమాచారం సాధారణ నమ్మకాలపై ఆధారపడి ఉంటుంది, ABN News దీనిని నిర్ధారించలేదు.