Metabolic Rate : మెటబాలిజం పెరగాలంటే?
ABN, Publish Date - Oct 08 , 2024 | 02:23 AM
మెటబాలిజం వేగం తగ్గితే శరీరంలో క్యాలరీలు పేరుకుపోయి, స్థూలకాయం వేధిస్తుంది. కాబట్టి ఓ పక్క వ్యాయమాలు చేస్తూనే మెటబాలిజంను కూడా పరుగులు పెట్టించే ఆహారాన్ని ఎంచుకోవాలి.
గుడ్ పుడ్
మెటబాలిజం వేగం తగ్గితే శరీరంలో క్యాలరీలు పేరుకుపోయి, స్థూలకాయం వేధిస్తుంది. కాబట్టి ఓ పక్క వ్యాయమాలు చేస్తూనే మెటబాలిజంను కూడా పరుగులు పెట్టించే ఆహారాన్ని ఎంచుకోవాలి.
మెటబాలిజం పెరగాలంటే ప్రొటీన్లు ఎక్కువగా, కాంప్లెక్స్‌ కార్బొహైడ్రేట్లు పరిమితంగా, మంచి కొవ్వులు తక్కువగా తీసుకోవాలి. అందుకోసం....
ప్రొటీన్‌: గుడ్లు, లేత మాంసం (చికెన్‌, టర్కీ), చేపలు, సోయా, టోఫు, పప్పుధాన్యాలు తినాలి.
కాంప్లెక్స్‌ కార్బ్స్‌: పాలిష్‌ పట్టని గోధుమలు, రోల్డ్‌ ఓట్స్‌, మిల్లెట్లు, పాలిష్‌ పట్టని బియ్యం, చిలకడ దుంపలు, తీపి మొక్కజొన్న తినాలి.
మంచి కొవ్వులు: కొబ్బరి నూనె, సీడ్స్‌, నట్స్‌, అవకాడొ అలాగే రోజుకు కనీసం మూడు లీటర్లకు తగ్గకుండా నీళ్లు తాగాలి. అలాగే మెటబాలిజంను పెంచే ఇంకొన్ని చిట్కాలను కూడా పాటించాలి. అవేంటంటే...
మెటబాలిక్‌ రేట్‌ను నిద్ర కూడా ప్రభావితం చేస్తుంది. కాబట్టి 7 నుంచి 8 గంటలకు తగ్గకుండా నిద్రపోవాలి.
మెటబాలికల్‌గా చురుగ్గా ఉండే అవయవాలు కండరాలు. మజిల్‌ మాస్‌ ఎక్కువగా ఉన్న వాళ్లలో మెటబాలిక్‌ రేటు ఎక్కువగా ఉంటుంది. కాబట్టి కొవ్వును కరిగించి మజిల్‌ మాస్‌ను పెంచే వ్యాయమాలు చేయాలి.
స్ట్రెంగ్త్‌ ట్రైనింగ్‌, హై ఇంటెన్సిటీ ఇంటర్వెల్‌ ట్రైనింగ్‌ వ్యాయామాలు మెటబాలిజంను పెంచుతాయి.
Updated Date - Oct 08 , 2024 | 02:24 AM
