Fire Accident: కోర్బా-విశాఖ ఎక్స్‌ప్రెస్‌లో భారీ అగ్నిప్రమాదం
ABN, Publish Date - Aug 04 , 2024 | 12:57 PM
విశాఖపట్నం రైల్వే స్టేషన్‌లో భారీ అగ్ని ప్రమాదం జరిగింది. స్టేషన్‌లో ఆగివున్న కోర్బా-విశాఖ ఎక్స్‌ప్రెస్‌లో ఒక్కసారిగా మంటలు వచ్చేశాయి.
విశాఖపట్నం రైల్వే స్టేషన్‌లో భారీ అగ్ని ప్రమాదం జరిగింది. స్టేషన్‌లో ఆగివున్న కోర్బా-విశాఖ ఎక్స్‌ప్రెస్‌లో ఒక్కసారిగా మంటలు వచ్చేశాయి.
ఆదివారం ఉదయం కోర్బా నుంచి విశాఖ వచ్చిన రైలు.. కాసేపట్లో విశాఖపట్నం నుంచి తిరుమల బయల్దేరాల్సి ఉండగా నాలుగో నంబర్ ఫ్లాట్ పారం వద్ద ఈ ప్రమాదం జరిగింది.
ఈ మంటల్లో బీ6, బీ7, ఎం1 బోగీలు పూర్తిగా దగ్ధం అయ్యాయి. ఈ మూడూ ఏసీ బోగీలే.
రైల్లో ప్రయాణికులు ఎవరూ లేకపోవడంతో పెను ప్రమాదం తప్పింది. రైల్వే, ఫైర్‌ సిబ్బంది రంగంలోకి మంటలు ఆర్పారు.
రైల్వేస్టేషన్‌ పరిసరాల్లో దట్టంగా పొగ కమ్ముకోవడంతో ప్రయాణీకులు ఇబ్బంది పడ్డారు. ప్రయాణికులకు ఎలాంటి ఇబ్బంది కలగకుండా వారిని అధికారులు బయటికి పంపారు.
ఏసీ బోగీల్లో మంటలు రేగినట్లు, అందుకే ఈ ప్రమాదం జరిగిందని ప్రయాణికులు చెబుతున్నారు.
ఈ ఘటనలో ఎటువంటి ప్రాణ నష్టం లేదు. రైల్లో మంటల వ్యాప్తిపై అన్ని కోణాల్లోనూ అధికార యంత్రాంగం దర్యాప్తు మొదలుపెట్టింది.
Updated Date - Aug 04 , 2024 | 01:01 PM
