కివి పండును ఎవరు తింటే మంచిదో తెలుసా?
ABN, Publish Date - Sep 16 , 2024 | 01:30 PM
పండ్లు ఆరోగ్యానికి చాలా మేలు చేస్తాయి. ఒక్కో పండు కొన్ని రకాల ఆరోగ్య ప్రయోజనాలను చేకూరుస్తుంది. ఈ మధ్యకాలంలో ఎక్కువగా వైరల్ అవుతున్న పండ్లలో కివి పండు కూడా ఉంది. ధర ఎక్కువే అయినా దీని లాభాలు చాలా ఎక్కువ అని ఆహార నిపుణులు అంటున్నారు.
కివి పండును 8 రకాల వ్యక్తులు తింటే బోలెడు ఆరోగ్య ప్రయోజనాలు చేకూరతాయి.
రోగనిరోధక శక్తి తక్కువగా ఉన్నవాళ్లు కివి పండును తింటే రోగనిరోధక శక్తి బలపడుతుంది. ఇందులో అధిక మొత్తంలో విటమిన్-సి ఉంటుంది. ఇది రోగనిరోధక శక్తిని పెంచుతుంది.
కివి పండులో మంచి మొత్తంలో ఫైబర్ ఉంటుంది. జీర్ణసమస్యలతో ఇబ్బంది పడుతున్న వారు కివి పండును తింటే జీర్ణక్రియ ఆరోగ్యంగా ఉంటుంది.
గుండె పోటును నియంత్రించడంలో కూడా కివి సహాయపడుతుంది. ఇందులో అధిక మొత్తంలో పొటాషియం ఉంటుంది.
కివి లో విటమిన్-ఇ, యాంటీ ఆక్సిడెంట్లు ఉంటాయి. చర్మం ఆరోగ్యంగా యవ్వనంగా ఉండాలని అనుకునే వారు కివి తింటే మంచిది.
కివిలో లుటిన్, జియాక్సంతిన్ అనే యాంటీ ఆక్సిడెంట్లు ఉంటాయి. ఇవి కంటి చూపును మెరుగుపరచడంలోో సహాయపడతాయి.
కేలరీలు తక్కువగా, ఫైబర్ ఎక్కువగా ఉండటం వల్ల కివి తింటే బరువు తగ్గుతారు. అధిక బరువుతో ఇబ్బంది పడేవారు కివి తీసుకుంటే మంచిది.
కివిలో గ్లైసెమిక్ ఇండెక్స్ తక్కువగా ఉంటుంది. మధుమేహం ఉన్నవారు కివి తీసుకుంటే రక్తంలో చక్కెర స్థాయిలు నియంత్రణలో ఉంటాయి.
కివిలో ఉండే పోషకాలు ఆస్తమా రోగులకు చాలా మేలు చేస్తాయి. ఆస్తమా ఉన్నవారు కివి తీసుకోవచ్చు.
Updated Date - Sep 16 , 2024 | 01:30 PM
