సాధారణంగా రద్దీ మార్కెట్లలో, రోడ్లపై నిల్చునే కొందరు వ్యక్తులు తమ చేతులతో బ్యాగ్‌లు, బెల్ట్‌లు, బట్టలను పట్టుకుని అమ్ముతుంటారు. వారు పెద్దగా అరుస్తూ తమ వస్తువులను అమ్ముకునేందుకు ప్రయత్నిస్తుంటారు. అయితే ప్రస్తుతం వైరల్ అవుతున్న ఓ వీడియో (Viral Video) చూస్తే షాక్ కావాల్సిందే. ఎందుకంటే ఆ వీడియోలోని వ్యక్తి రద్దీ రోడ్డుపై నిల్చుని పాములను (Snakes) అమ్ముతున్నాడు. అతడి చేతికి పాములు వేలాడుతున్నాయి (Man selling Snakes).

ఫహద్ ఖాన్ అనే ఇన్‌స్టాగ్రామ్ యూజర్ ఈ వీడియోను షేర్ చేశారు. వైరల్ అవుతున్న ఆ వీడియోలో, ఒక వ్యక్తి డజన్ల కొద్దీ పాము పిల్లలను పట్టుకుని మార్కెట్లో నిలబడి ఉన్నాడు. అతడు ఆ పాములను అమ్ముకునేందుకు ప్రయత్నిస్తున్నాడు. అతను రెండు చేతులతో రెండు చిన్న పాములను పట్టుకున్నాడు. ``పాములు.. పాములు..`` అంటూ కేకలు వేస్తున్నాడు. అతడు పాములు అమ్ముతున్నా అక్కడ ఎవరూ పట్టించుకోకపోవడం గమనార్హం. ఏదో పళ్లు, ఇతర సాధారణ వస్తువులు అమ్ముతున్నట్టుగా భావించి పట్టించుకోకుండా పక్క నుంచి వెళ్లిపోతున్నారు.

ఈ వీడియో సోషల్ మీడియాలో వైరల్‌గా మారింది. ఈ వీడియోకు కోటికి పైగా వ్యూస్ వచ్చాయి. 5.7 లక్షల మంది ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``ఇదెలా సాధ్యం.. ఈ వీడియో నిజమైనదేనా``, ``ఇది రీల్స్ కోసం క్రియేట్ చేసిన వీడియోలా ఉంది``, ``మన దేశంలో ఇలాంటివి నిషేధం`` అంటూ నెటిజన్లు కామెంట్లు చేశారు.

ఇవి కూడా చదవండి..

Viral Video: పులికి దొరికిపోయిన జింక.. శరీరాన్ని ఒడ్డుకు ఎలా ఈడ్చుకెళుతోందో చూడండి.. వీడియో వైరల్!

Weight Loss: రెండేళ్లలో ఏకంగా 70 కిలోలు తగ్గిన కంపెనీ సీఈవో.. అతడి వెయిట్ లాస్ జర్నీ గురించి తెలిస్తే..