Viral: ఈ ఆటోవాలా కోహినూర్ వజ్రం!

ఇంటర్నెట్ డెస్క్: ప్రపంచంలో స్వార్థం పెరిగిపోతోందన్న భయం వెంటాడుతున్న తరుణంలో కొందరు నిస్వార్థంగా చేసే సాయం చూస్తే మనసుకు సాంత్వన కలుగుతుంది. ప్రస్తుతం ఓ వీడియోపై నెట్టింట ఇదే కామెంట్ వినిపిస్తోంది. వీడియోలోని ఆటో డ్రైవర్ చేసిన సాయానికి జనాలు ప్రశంసలు కురిపిస్తున్నారు (Viral).

Viral: అమెరికన్ పాప్ స్టార్‌ను ‘జై శ్రీరామ్’ అనాలని కోరిన భారతీయ అభిమాని!

ఇటీవల బెంగళూరుకు చెందిన చిత్ర అనే మహిళ ఆటోలో ప్రయాణిస్తూ తన బంగారు గొలుసు జార విడుచుకుంది. ఇంటికెళ్లాక ఆమెకు తన గొలుసు విషయం గుర్తొచ్చి షాకైపోయింది. గొలుసు ఎక్కడ పోగొట్టుకుందీ తెలీక ఇబ్బంది. ఇంతలో ఇంటి డోర్ బెల్ మోగడంతో వెళ్లి చూడగా ఎదురుగా ఆటో వాలా కనిపించాడు. ఆమె గొలుసు చేతికి ఇస్తూ దాన్ని తన ఆటోలో జార విడుచుకున్న విషయాన్ని తెలిపారు. దీంతో, ఆమెకు పోయిన ప్రాణం తిరిగొచ్చినట్టైంది. గొలుసు దొరికినందుకు ఆమె సంబరపడిపోయింది. ఈ విషయాన్ని చిత్ర స్వయంగా నెట్టింట పంచుకుంది.

Viral: భారీ మిస్టేక్! దీపావళి కోసం ఇల్లు శుభ్రం చేస్తుండగా..

‘‘ఈయన పేరు గిరీశ్.. ఆటో నడుపుతుంటారు. పోయిన నా గొలుసు వెతికి తీసుకొచ్చి ఇచ్చారు. నేను నిన్న మైసూరు నుంచి బెంగళూరుకు వచ్చాను. దార్లో ఎక్కడో గొలుసు పోగొట్టుకున్నాను. ఎక్కడ పోగొట్టున్నదీ తెలీక సతమతమయ్యాను. ఇంతలో గరీశ్ నా ఇంటికీ గొలుసు తీసుకుని వచ్చారు. ఆయను ఎన్ని సార్లు ధన్యవాదాలు చెప్పినా తక్కువే. ఇలాంటి ఆటో డ్రైవర్లు చాలా అరుదుగా మాత్రమే ఉంటారు’’ అని చిత్ర నెట్టింట పోస్టు చేసింది. తాను తలీరు ఫౌండేషన్ అనే సంస్థను నిర్వహిస్తుంటానని, మహిళలకు ఆటో డ్రైవింగ్ నేర్పిస్తుంటానని వివరించింది.

Viral: ఏఐ జమానా అంటే ఇదేనేమో! అలెక్సా కమాండ్‌తో దూసుకుపోయిన దీపావళి రాకెట్!

కాగా, ఈ ఉదంతం విన్న నెటిజన్లు ఆశ్చర్యపోయారు. సదరు ఆటో డ్రైవర్‌పై ప్రశంసల వర్షం కురిపించారు. ఇలాంటి వాళ్ల వల్లే భూమ్మీద ఇంకా వానలు కురుస్తున్నాయని కొందరు అన్నారు. నిజాయతీ, నిబద్ధతకు ప్రతిరూపంగా ఉన్న ఇతడిపై తమకు గౌరవం పెరిగిందని కొందరు కామెంట్ చేశారు. ‘‘నిజాయతీ కనుమరుగైపోతున్న ఈ రోజుల్లో ఇలాంటి వాళ్లు కోహినూర్ వజ్రాలతో సమానం’’. గిరీశ్‌పై ఆటో ఎగ్రిగేటర్ నగారా కూడా ప్రశంసలు కురిపించింది. నిజాయతీ, మానవత్వానికి అతడు ప్రతీక అని కొనియాడింది. ఇలా రకరకాల కామెంట్స్ మధ్య ఈ ఉదంతం ప్రస్తుతం నెట్టింట వైరల్‌గా మారింది.

Read Latest and Viral News