Viral Video: ఈ వ్యక్తి నిజంగా గొప్పవాడే.. ప్రాణాలతో పోరాడుతున్న పిచ్చుకను ఎలా కాపాడాడో చూడండి.. వీడియో వైరల్..

ABN, Publish Date - Sep 25 , 2024 | 02:09 PM

సోషల్ మీడియా అందుబాటులోకి వచ్చాక ఎన్నో వీడియోలు మన కళ్ల ముందుకు వస్తున్నాయి. కొన్ని వీడియోలు మనల్ని ఆకట్టుకుని హృదయాలను గెలుచుకుంటే, మరికొన్ని హృదయవిదారకంగా ఉంటూ గుండెలను మెలిపెడతున్నాయి. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది.

sparrow

సోషల్ మీడియా అందుబాటులోకి వచ్చాక ఎన్నో వీడియోలు మన కళ్ల ముందుకు వస్తున్నాయి. కొన్ని వీడియోలు మనల్ని ఆకట్టుకుని హృదయాలను గెలుచుకుంటే, మరికొన్ని హృదయవిదారకంగా ఉంటూ గుండెలను మెలిపెడతున్నాయి. ప్రస్తుతం అలాంటిదే ఓ వీడియో సోషల్ మీడియాలో వైరల్ అవుతోంది. ఆ వీడియోలో ఓ వ్యక్తి ఓ చిన్న పక్షి (Bird)ని కాపాడాడు. చాలా మంది జంతువులతో క్రూరంగా వ్యవహరిస్తారు. అయితే ఆ వ్యక్తి మాత్రం పక్షికి సహాయం చేసి తన పెద్ద మనసును చాటుకున్నాడు (Viral Video).

mksinfo.official అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో, ఒక చిన్న పక్షి నేలపై అపస్మారక స్థితిలో పడి ఉంది. ఆ సమయంలో ఒక వ్యక్తి వచ్చి ఆ పక్షిపై నీరు (Water) పోశాడు. నీరు పోసిన వెంటనే స్పృహలోకి వచ్చిన పక్షి రెక్కలు విప్పుతూ కూర్చుంది. దాహంతో ఉన్న పక్షికి ఆ వ్యక్తి నీరు అందించాడు. ఆ పక్షి గ్లాసు నుంచి చక్కగా నీరు తాగింది. అనంతరం బలం తెచ్చుకుని గాల్లోకి ఎగిరిపోయింది. ఆ ఘటన మొత్తాన్ని ఓ వ్యక్తి వీడియో తీసి సోషల్ మీడియాలో షేర్ చేశాడు. ఆ వీడియో నెట్టింట వైరల్‌గా మారింది.

ఎంతో మానవత్వంతో వ్యవహరించి ఆ పక్షిని కాపాడిన వ్యక్తిపై నెటిజన్లు ప్రశంసలు కురిపిస్తున్నారు. ఈ వైరల్ వీడియోను ఇప్పటివరకు 45 లక్షల మంది వీక్షించారు. 2.17 లక్షల మంది ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``జాగ్రత్త.. పక్షి ముక్కులోకి నీరు వెళితే ప్రాణం పోతుంది``, ``ఆ వ్యక్తి దయామయుడు``, ``పక్షులకు ఎప్పుడూ నీరు అందుబాటులో ఉంచడం ముఖ్యం`` అంటూ నెటిజన్లు కామెంట్లుచేశారు.