Viral: షాకింగ్.. మూడో అంతస్తులోని ఏసీ నెత్తిపై పడి యువకుడి దుర్మరణం!

ఇంటర్నెట్ డెస్క్: దేశరాజధాని న్యూ ఢిల్లీలో (New Delhi) తాజాగా షాకింగ్ ఘటన వెలుగు చూసింది. మూడో అంతస్తులో అమర్చిన ఏసీ కండెన్సర్ నేలపై ఉన్న ఓ యువకుడి నెత్తిన పడటంతో అతడు కన్నుమూశాడు. డోరీవాలా ప్రాంతంలోని దేశ్‌బంధూ గుప్తా రోడ్డులో నిన్న సాయంత్రం ఈ అనూహ్య ప్రమాదం జరిగింది. ఇందుకు సంబందించిన సీసీటీవీ కెమెరా ఫుటేజీ నెట్టింట వైరల్‌‌గా (Viral) మారింది.

Viral: క్యాబ్ డ్రైవర్ అన్యాయమైపోయాడుగా.. ఈమె ఇంత దారుణం చేసిందేంటో..

జాతీయ మీడియా కథనాల ప్రకారం, జితేశ్ అనే 17 ఏళ్ల కుర్రాడు తన స్నేహితుడితో మాట్లాడుతూ స్కూటీపై కూర్చుని ఉండగా ఈ ప్రమాదం జరిగింది. మరి కొన్ని క్షణాల్లో అతడు బయలుదేరతాడనగా మూడో అంతస్తులో ఉన్న ఏసీ కండెన్సర్ ఊడి సరిగ్గా అతడి నెత్తిన పడింది. దీంతో, జీతేశ్ ఘటనా స్థలంలోనే కుప్పకూలిపోయాడు. అక్కడిక్కడే మరణించాడు. ఈ ప్రమాదంలో ప్రాన్షూ కూడా గాయాలపాలయ్యాడు. కాగా, ఘటనపై కేసు నమోదు చేసుకున్న పోలీసులు దర్యాప్తు ప్రారంభించారు (Delhi Man Dies After AC Falls On His Head From 2nd Floor).

ఇక వీడియో చూసి జనాలు షాకైపోతున్నారు. మృత్యువు ఎప్పుడు ఏ వైపు నుంచి ముంచుకువస్తుందో చెప్పలేమని కామెంట్ చేశారు. మృతుడి తల్లిదండ్రుల ఆవేదన వర్ణనాతీతమని కొందరు అన్నారు. ఇది అసాధారణ ఘటన అని మరికొందరు అభిప్రాయపడ్డారు. ఇకపై ఏసీ కింద నడుచుకుంటూ వెళ్లాలంటే వణుకుపుడుతుందని కామెంట్ చేశారు. ఇలా రకరకాల కామెంట్స్ మధ్య వీడియో ట్రెండింగ్‌లో ఉంది.

Read Viral and Telugu News