Viral Video: వరుడు ఫారెస్ట్ డిపార్ట్‌మెంట్ ఉద్యోగేమో.. ఊరేగింపు కారును ఎలా డెకరేట్ చేశారో చూస్తే నవ్వకుండా ఉండలేం..

ABN, Publish Date - Sep 28 , 2024 | 02:00 PM

సోషల్ మీడియా అందుబాటులోకి వచ్చాక ప్రతిరోజు కొన్ని వందల వీడియోలు మన కళ్ల ముందుకు వస్తున్నాయి. ముఖ్యంగా పెళ్లి వేడుకలకు సంబంధించిన డ్యాన్స్, పాటలు, వధూవరుల వీడియోలు బాగా వైరల్ అవుతున్నాయి. పెళ్లికి సంబంధించిన ఫన్నీ వీడియోలు నెటిజన్లను బాగా ఆకట్టుకుంటున్నాయి.

Groom's car decoration

సోషల్ మీడియా అందుబాటులోకి వచ్చాక ప్రతిరోజు కొన్ని వందల వీడియోలు మన కళ్ల ముందుకు వస్తున్నాయి. ముఖ్యంగా పెళ్లి వేడుకలకు (Wedding Videos) సంబంధించిన డ్యాన్స్, పాటలు, వధూవరుల వీడియోలు సోషల్ మీడియాలో బాగా వైరల్ అవుతున్నాయి. పెళ్లికి సంబంధించిన ఫన్నీ వీడియోలు నెటిజన్లను బాగా ఆకట్టుకుంటున్నాయి. ప్రస్తుతం అలాంటిదే ఓ వీడియో నెట్టింట హల్‌చల్ చేస్తోంది. వరుడు (Groom) కారు డెకరేషన్, దానిపై నెటిజన్ల ఫన్నీ కామెంట్లు చాలా మందిని ఆకట్టుకుంటున్నాయి (Viral Video).

rishavyadav26 అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ పెళ్లి కారు రోడ్డుపై వెళ్తోంది. ఆ కారులో వరుడు ఉన్నాడు. అయితే ఆ కారును పూలతో డెకరేట్ చేయలేదు. ఆ కారును పూర్తిగా ఆకులు, మొక్కలతో నింపేశారు (Groom's car decoration). రోడ్డు మీద వెళ్తున్న ఆ కారును చూసి చాలా మంది ఆశ్చర్యపోయారు. వీడియోలో కనిపించే కొత్త స్టైల్ డెకరేషన్‌పై నెటిజన్లు ఫన్నీ కామెంట్‌లు చేశారు. అవి చదివిన తర్వాత మీకు నవ్వు రావడం ఖాయం. ఆ వీడియో సోషల్ మీడియాలో విపరీతంగా వైరల్ అవుతోంది.

ఆ వైరల్ వీడియోను ఇప్పటివరకు 35 లక్షల కంటే ఎక్కువ మంది వీక్షించారు. 80 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో ఫన్నీ కామెంట్లు చేశారు. ``వరుడు ఫారెస్ట్ డిపార్ట్‌మెంట్‌లో పని చేస్తున్నాడనుకుంటా``, ``అతను పెళ్లికి వెళ్తున్నాడా లేదా చెట్ల పెంపకానికి వెళ్తున్నాడా``, ``ఆ డెకరేషన్‌ను తొలగించడానికి మేకలను పిలవవలసి ఉంటుంది``, ``ఇది మోగ్లీ పెళ్లి ఊరేగింపు`` అంటూ నెటిజన్లు ఫన్నీ కామెంట్లు చేశారు.