Viral Video: మొసలితో స్టంట్స్.. బతుకుజీవుడా అంటూ..!!
ABN, Publish Date - Jul 20 , 2024 | 11:15 AM
వన్యప్రాణులతో ఆటలాడడం చాలా ప్రమాదకరం. వాటిని ఎంత మచ్చిక చేసుకున్నా మన జాగ్రత్తలో మనం ఉండడం మంచిది. లేకపోతే ప్రాణాల మీదకు రావడం ఖాయం. ప్రస్తుతం వైరల్ అవుతున్న ఓ వీడియో చూస్తే ఆ విషయం అర్థమవుతుంది.
వన్యప్రాణులతో (Wild Animals) ఆటలాడడం చాలా ప్రమాదకరం. వాటిని ఎంత మచ్చిక చేసుకున్నా మన జాగ్రత్తలో మనం ఉండడం మంచిది. లేకపోతే ప్రాణాల మీదకు రావడం ఖాయం. ప్రస్తుతం వైరల్ అవుతున్న ఓ వీడియో చూస్తే ఆ విషయం అర్థమవుతుంది. వైరల్ అవుతున్న ఆ వీడియోలో ఓ వ్యక్తి మొసలిని తక్కువగా అంచనా వేసి దానితో ఓ స్టంట్ చేయడానికి ప్రయత్నించాడు (Stunt With Crocodile). అది తన సహజ ధోరణిలో ప్రవర్తించడంతో బతికి బట్టకట్టడానికి నానా తంటాలు పడ్డాడు. ఆ వీడియో సోషల్ మీడియాలో వైరల్ అవుతోంంది (Viral Video).
@NeverteIImeodd అనే ట్విటర్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియోలో ఓ వ్యక్తి మొసలిని ఇసులో పడుక్కోబెట్టి దాని పై కూర్చున్నాడు. చుట్టూ జనం ఉండగా అతడు ఆ మొసలితో స్టంట్ చేయడానికి ప్రయత్నించాడు. మొసలి నోరు తెరిచి తన తలను దాని దవడల మధ్య పెట్టాడు. వెంటనే ఆ మొసలి తన నోరు మూసి ఆ వ్యక్తి తలను కొరకడానికి ప్రయత్నించింది. దీంతో చుట్టు పక్కల వారు అతడిని కాపాడడానికి పరుగులు పెట్టారు. ఎంత మంది వచ్చినా ఆ మొసలి తన పట్టు సడలించలేదు. చివరకు గాయాలతో ఆ వ్యక్తి బయటపడ్డాడు.
ఆ వీడియో సోషల్ మీడియాలో వైరల్‌గా మారింది. 1.4 కోట్ల మంది ఈ వీడియోను వీక్షించారు. 51 వేల మందికి పైగా ఈ వీడియోను లైక్ చేశారు. ఈ వీడియోపై నెటిజన్లు తమ స్పందనలను తెలియజేశారు. ``అతి విశ్వాసం ఇలాగే చేటు చేస్తుంది``, ``అతడు మరణాన్ని చూశాడు``, ``మృత్యువు నోట్లు తలపెట్టాడు``, ``కచ్చితంగా పిచ్చి వాళ్లే ఇలా చేస్తారు`` అంటూ నెటిజన్లు కామెంట్లు చేశారు.
ఇవి కూడా చదవండి..
మరిన్ని ప్రత్యేక వార్తలు కోసం క్లిక్ చేయండి..
Updated Date - Jul 20 , 2024 | 12:05 PM
