Viral: రీల్స్ కోసం ఈ అత్తాకోడళ్లు ఏం చేశారో చూస్తే..
ABN, Publish Date - Aug 16 , 2024 | 10:39 PM
రీల్స్ కోసం అత్తాకోడళ్లు ఓ యువకుడిని పీకల్లోతు భూమిలో పాతిపెట్టి వీడియో రికార్డు చేసిన తీరు నెట్టింట వైరల్ గా మారింది. జనాలు షాకైపోయేలా చేసింది.
ఇంటర్నెట్ డెస్క్: రీల్స్ కోసం కొందరి విపరీత చర్యలు చూస్తుంటే ప్రపంచం ఎటు పోతోందో అన్న బాధ కలుగుతుంది. తాజా వీడియో చూసి జనాలు సరిగ్గా ఇదే కామెంట్ చేస్తున్నారు. రీల్స్ వ్యసనం జనాల్ని నాశనం చేస్తోందని వాపోతున్నారు. తాజాగా వీడియోలో అత్తాకోడళ్లు రీల్స్ వీడియో (Viral) పేరిట ఎవ్వరూ చేయకూడని పని చేశారు.
Viral: డబ్బున్నోడివైనా నీది ఎంత మంచి మనసు బ్రో! నెటిజన్లను కట్టిపడేస్తున్న వీడియో!
వీడియోలో కనిపించిన దాని ప్రకారం, భూమిలోపల పీకల్లోతు పాతిపెట్టిన ఓ యువకుడి పక్క ఇద్దరు మహిళలు కూర్చుని షార్ట్ వీడియో చేశారు. అతడి తలకాయ మినహా మరేమీ కనిపించకుండా పాతిపెట్టారు. యువకుడికి అతడి తల్లి తలనిమురుతూ, తినిపిస్తున్నట్టు యాక్ట్ చేసింది. మరోవైపు, యువకుడి భార్య ఏమో తనకేమీ తెలీనట్టు అతడి పక్కనే కూర్చుంది. అతడి పక్కనే వెలుగుతున్న అగరబత్తీలు కూడా ఈ వీడియోలో కనిపిస్తాయి.
వీడియోలో ఇదంతా చూసిన నెటిజన్లు షాకైపోతున్నారు. జనాల్ని భయపెట్టేలా ఉన్న ఈ ప్రాంక్ చూసి ఆశ్చర్యపోతున్న అనేక మంది వెల కొద్దీ కామెంట్స్ కుమ్మరించారు. వీడియోల కోసం జనాలు అసాధారణ రీతిలో ప్రయత్నాలు చేస్తున్నారని వాపోయారు. ఇలా రకరకాల కామెంట్స్ మధ్య వీడియో వైరల్ గా మారింది.
Updated Date - Aug 16 , 2024 | 10:39 PM
