Raksha Bandhan: మీ సోదరికి బంగారం బహుమతిగా ఇస్తున్నారా.. ఇలా చేయండి.. లేకపోతే మోసపోతారు..!

రక్షాబంధన్ అంటే అన్నదమ్ములు, అక్కా, చెల్లెల మధ్య అనుబంధానికి ప్రతీక. రాఖీ కట్టిన తన సోదరికి సోదరుడు ఏదో ఒక బహుమతి ఇవ్వడం సంప్రదాయంగా వస్తోంది. కానుకగా ఏది ఇవ్వాలనేదానిపై ఎలాంటి షరతులు లేవు. కానీ కొంతమంది తమ సోదరికి ప్రేమతో బంగారాన్ని కానుకగా ఇస్తుంటారు. సాధారణంగా ఎవరైనా తమ సామర్థ్యం, ఆర్థిక స్థోమత ఆధారంగా బహుమతులు అందిస్తారు. కానీ బంగారం బహుమతిగా ఇవ్వాలనుకునే వారు బహుమతులు కొనడానికి బంగారు దుకాణానికి వెళ్తారు. ఈక్రమంలో కొంతమంది మోసపోతుంటారు. తీరా ఇంటికి వచ్చి అసలు విషయం తెలుసుకునేటప్పటికీ జరగాల్సిన నష్టం జరిగిపోతుంది. ఈక్రమంలో అసలు బంగారాన్ని, నకిలీ బంగారాన్ని ఎలా కనుగొనాలి. మోసం బారిన పడకుండా ఏం చేయాలనేది తెలుసుకుందాం. ఏ ఆభరణమైనా 22 లేదా 18 క్యారెట్ల బంగారంతో చేసినవేనని మొదట గుర్తించుకోవాలి. ప్రస్తుతం 22 క్యారెట్ల బంగారం ధర రూ.66,850గా ఉంది.

నకిలీ బంగారాన్ని ఇలా పట్టేయండి..

నిజమైన బంగారాన్ని గుర్తించడంలో అయస్కాంతం ముఖ్యమైన పాత్ర పోషిస్తుంది. మీ బంగారం నిజమో, నకిలీదో తెలుసుకోవాలంటే దానిని మీ బంగారంపై అతికించాలి. బంగారం స్వచ్ఛమైనది అయితే అయస్కాంతం దానికి అంటుకోదు. అయితే, బంగారంపై అయస్కాంతం ప్రభావం చూపితే, మీ బంగారం నకిలీదని మీరు అర్థం చేసుకోవాలి. బంగారం కొనుగోలు చేసేటప్పుడు, బంగారం యొక్క హాల్‌మార్కింగ్‌ను చూడటం చాలా ముఖ్యం. ఎందుకంటే ప్రభుత్వ నిబంధనల ప్రకారం హాల్‌మార్క్ బంగారాన్ని స్వచ్ఛమైనదిగా పరిగణిస్తారు. అందుకే జూన్‌ 1 నుంచి బంగారంపై హాల్‌మార్కింగ్‌ తప్పనిసరి చేసింది ప్రభుత్వం. మీరు ఇప్పుడు బంగారం కొనడానికి వెళితే, హాల్‌మార్క్ గుర్తును చూసిన తర్వాత మాత్రమే కొనాలి. లేకపోతే మీరు ఇబ్బందుల్లో పడే అవకాశాలు ఎక్కువుగా ఉంటాయి.

మరింత ఈజీగా..

నీటి ద్వారా నిజమైన బంగారాన్ని గుర్తించవచ్చు. మీ వద్ద ఉన్న బంగారాన్ని నీటిలో వేయడానికి ప్రయత్నించండి. మీ బంగారం నీటిపై తేలితే మీ బంగారం నకిలీదని అర్థం చేసుకోండి. ఎందుకంటే నిజమైన బంగారం ఎప్పుడూ నీటిపై తేలదు. మీరు ఇంట్లో కూర్చొని ఈ పరీక్షను సులభంగా చేయవచ్చు. నిజమైన బంగారాన్ని గుర్తించడంలో నైట్రిక్ యాసిడ్ కూడా ముఖ్యమైన పాత్ర పోషిస్తుంది. మీరు బంగారాన్ని గీసి దానిపై కొద్దిగా నైట్రిక్ యాసిడ్ వేయండి. నైట్రిక్ యాసిడ్ మీ బంగారంపై ప్రభావం చూపకపోతే, మీ బంగారం స్వచ్ఛమైనదని అర్థం చేసుకోండి. నైట్రిక్ యాసిడ్ జోడించడం బంగారంపై ప్రభావం చూపితే లేదా దాని రంగు మారితే, బంగారం నకిలీదని అర్థం చేసుకోవల్సి ఉంటుంది.

మరిన్ని వార్తల కోసం ఇక్కడ క్లిక్ చేయండి..

Read More Telugu Latest News Click Here