Viral: ఈ సింహం ఓవర్ కాన్ఫిడెన్స్ చూడండి.. తృటిలో తప్పిన చావు!

ఇంటర్నె్ట్ డెస్క్: సింహాలకు సహజంగానే దూకుడెక్కువ. దాడి చేసే అవకాశాన్ని ఏ మాత్రం పెట్టవు. ఈ కాన్ఫిడెన్స్ ఎక్కువై ఒక్కోసారి ఊహించని ప్రమాదాల్లో పడుతుంటాయి. అలాంటి ఓ వీడియో ప్రస్తుతం విపరీతంగా వైరల్ అవుతోంది. ఆఫ్రీకాలో మూడు సింహాలు ఏకంగా ఖడ్గ మృగాన్ని వేటాడేందుకు ప్రయత్నించి విఫలమయ్యాయి. వీటిల్లో ఓ సింహానికి చావు తృటిలో తప్పిపోయింది. శాన్‌బోనా వైల్డ్‌లైఫ్ రిజర్వ్‌లో ఈ ఘటన జరిగింది (Viral).

Viral: లాబొరేటరీలో 100 ఏళ్లుగా కొనసాగుతున్న ఈ ప్రయోగం గురించి తెలిస్తే..

వీడియోలో కనిపించిన దాని ప్రకారం, ఆ అడవిలో ఓ మగ సింహం రెండు ఆడ సింహాలు రెస్టు తీసుకుంటున్నాయి. ఇంతలో అటుగా ఓ ఖడ్గ మృగం వచ్చింది. దాన్ని చూడగానే ఆడ సింహాలు కాస్తంత బెదిరిపోయాయి కానీ మగ సింహం మాత్రం లెక్క చేయలేదు. కూర్చున్నచోట నుంచి కదలకుండా ఖడ్గ మృగాన్ని అలాగే గమనించింది. ఖడ్గ మృగం కూడా వెనక్కు తగ్గలేదు.

సాధారణంగా ఇలాంటి పరిస్థులు ఎదురైనప్పుడు సింహాలే వెనక్కు తగ్గుతాయి. ఖడ్గ మృగాన్ని వేటాడటం ఏ జీవికీ సాధ్యం కాదు. మందపాంటి చర్మం, భారీ కాయం, ముఖంపై భారీ కొమ్ముతో ఉండే ఈ జీవాలను జంతు నిపుణులు యుద్ధ ట్యాంకులతో పోలుస్తుంటారు. అవి బలంగా వచ్చి ఢీకొడితే ఏ జీవీ తట్టుకోలేదని, ఒంట్లో ప్రతి ఎముక విరిగిపోతుందని చెబుతారు.

Canada: భారతీయ మహిళలపై కెనడా వ్యక్తి వివాదాస్పద వ్యాఖ్యలు

కానీ వీడియోలోని సింహాలు మాత్రం ఓవర్ కాన్ఫిడెన్స్‌తో ఖడ్గ మృగాన్నే వేటాడేందుకు సిద్ధమయ్యాయి. ఖడ్గ మృగం ప్రతిదాడికి దిగేందుకు ప్రయత్నించే సరికి రెండు ఆడ సింహాలు కాస్త వెనకడుగు వేయగానే మగ సింహం మాత్రం తన ఇగో హర్టైనట్టు దాడికి ముందుకు ఉరికింది. ఖడ్గ మృగంపై దాడి చేసేందుకు దానికి అతి సమీపానికి వెళ్లింది. అదే సమయంలో ఖడ్గమృగం ఒక్కసారిగా తలతో కుమ్మేందుకు ప్రయత్నించింది. దీంతో, దాని కొమ్ము సింహం డొక్కలో పొడుచుకునే టైంలో సింహం వేగంగా కదిలి అక్కడి నుంచి పారిపోయింది. తన తప్పు తెలిసొచ్చిన దానిలా మరో ఆలోచన లేకుండా పరుగు లంఘించుకుంది. అక్కడ సఫారీపై వచ్చిన కొందరు ఈ ఘటనను చూసి షాకైపోయారు. పర్యాటకులను ముందుండి నడిస్తున్న గైడ్ కూడా ఇదేం వింత అంటూ నోరెళ్లబెట్టాడు. ఖడ్గ మృగం లాంటి జంతువుల జోలికి సింహాలు సాధారణంగా వెళ్లవని, ఈసారి మాత్రం అసాధారణంగా ఈ మూడు దాన్ని వేటాడేందుకు ప్రయత్నించాయని చెప్పాడు. ఇక నెట్టింట వైరల్ అవుతున్న ఈ వీడియోను చూసి జనాలు కూడా ఆశ్చర్యపోతున్నారు. మగ సింహానికి చావు తృటిలో తప్పిందంటూ కామెంట్ చేస్తున్నారు.

Viral: అమ్మో.. సొర చేపపై స్వారీ.. ఇంతకంటే మూర్ఖత్వం ఏమైనా ఉంటుందా

Read Latest and Viral News