Viral Video: ప్రేమ అంటే ఇదీ.. ఆవు కోసం ఎద్దు ఎంతలా ఆరాటపడిందో చూడండి.. ఎమోషనల్ వీడియో వైరల్..

ABN, Publish Date - Oct 27 , 2024 | 11:05 AM

ప్రేమ, అనుబంధం, అప్యాయత అనే బంధాలు మనుషుల మధ్యనే ఉంటాయనుకోవడం తప్పు. మనుషుల కంటే స్వచ్ఛంగా, కల్మషరిహితంగా జంతువుల మధ్యనే ఆ బంధాలు ఎక్కువగా ఉంటాయి. ప్రస్తుతం సోషల్ మీడియాలో వైరల్ అవుతున్న వీడియో చూస్తే మీరు కూడా ఎమోషనల్ అవుతారు.

bull kept chasing the car to free the cow

ప్రేమ, అనుబంధం, అప్యాయత అనే బంధాలు మనుషుల మధ్యనే ఉంటాయనుకోవడం తప్పు. మనుషుల కంటే స్వచ్ఛంగా, కల్మషరిహితంగా జంతువుల మధ్యనే ఆ బంధాలు (Love) ఎక్కువగా ఉంటాయి. ప్రస్తుతం సోషల్ మీడియాలో వైరల్ అవుతున్న వీడియో (Emotional Video) చూస్తే మీరు కూడా ఎమోషనల్ అవుతారు. వ్యాన్‌లో బంధించి తీసుకెళ్లిపోతున్న ఆవు (Cow) కోసం ఓ ఎద్దు (Bull) పడిన ఆరాటం చూస్తే అసలైన ప్రేమ అంటే ఏంటో ఆర్థమవుతుంది. ఆ వీడియో సోషల్ మీడియాలో వైరల్‌గా మారింది. ఆ వీడియో చూసిన జనాలు ఎమోషనల్ అవుతున్నారు (Viral Video).

zindagi.gulzar అనే ఇన్‌స్టాగ్రామ్ యూజర్ ఈ వీడియోను షేర్ చేశారు. వైరల్ అవుతున్న ఆ వీడియోను తమిళనాడులో చిత్రీకరించారు. వైరల్ అవుతున్న ఆ వీడియోలో ఓ ఎద్దు ఓ వ్యాన్ వెనుక పరిగెడుతోంది. ఆ వ్యాన్‌లో ఓ ఆవు ఉంది. డెయిరీ యజమాని ఆ ఆవును వేరే వ్యక్తికి అమ్మేశాడు. ఆ వ్యక్తి వ్యాన్‌లో కట్టేసి ఆ ఆవును తీసుకెళ్లిపోతున్నాడు. అయితే అప్పటివరకు తనతో సన్నిహితంగా ఉన్న ఆవు వెళ్లిపోవడాన్ని ఆ ఎద్దు తట్టుకోలేకపోయింది. వ్యాన్‌ను వెంబడించింది. ఎద్దు పరుగును చూసి డ్రైవర్ వ్యాన్‌ను ఆపాడు. అప్పుడు ఆ ఎద్దు ఆవు దగ్గరకు వెళ్లి ప్రేమగా నిమిరింది. వ్యాన్ డ్రైవర్ దగ్గరకు వెళ్లి దీనంగా చూస్తూ అరిచింది.

ఆ వ్యాన్ డ్రైవర్ కొద్ది సేపటి తర్వాత వ్యాన్‌ను తీసుకెళ్లిపోయాడు. దీంతో ఆ ఎద్దు కొద్ది దూరం పరిగెత్తి ఆగిపోయింది. ఆ రోడ్డు మీద వెళ్తున్నవారు ఆ ఘటనను వీడియో తీసి సోషల్ మీడియాలో పోస్ట్ చేశారు. అది కాస్తా వైరల్‌గా మారింది. ఈ వైరల్ వీడియోను ఇప్పటివరకు 5 లక్షల మందికి పైగా వీక్షించారు. దాదాపు 40 వేల మంది ఈ వీడియోను లైక్ చేశారు. ఈ వీడియోపై నెటిజన్లు తమదైన శైలిలో స్పందించారు. ``ఇది కల్మషం లేని ప్రేమ``, ``ఆ ఎద్దు తన ప్రేయసిని విడిపించుకోవడానికి తీవ్రంగా ప్రయత్నించింది`` అంటూ నెటిజన్లు కామెంట్లు చేశారు.