Viral: ఈమె అసలు మనిషేనా? మరీ ఇంత పైశాచికత్వమా!

ఇంటర్నెట్ డెస్క్: కొందరు మూగ జీవాలపై తమ పైశాచికత్వం ప్రదర్శిస్తుంటారు. మానవత్వం మరిచి దానవుల్లా రెచ్చిపోతుంటారు. ఓ యువతి సరిగ్గా ఇలాగే చేసింది. ఓ కోడిపుంజును దారుణంగా టార్చర్ పెట్టింది. ఇందుకు సంబంధించిన వీడియో నెట్టింట వైరల్ (Viral) అవుతూ జనాలకు ఆగ్రహం తెప్పిస్తోంది. అయితే, యువతి పైశాచికత్వం వెనక కారణం మాత్రం తెలియరాలేదు.

వీడియోలో కనిపించిన దాని ప్రకారం, ఓ యువతి కోడి పుంజుపై రెచ్చిపోయింది. తొలుత రెండు మూడు సార్లు దాని తలపై కొట్టింది. దానికి తిక్కరేగేలా చేసి తనపై దాడి చేసే పరిస్థితి తెచ్చింది. అక్కడి నుంచి మరింతగా రెచ్చిపోయింది. కోడి గాల్లోకి ఎగరగానే దాని పీక పట్టుకుని పలుమార్లు తలపై కొట్టింది. ఆ తరువాత దాన్ని దూరంగా విసిరేసింది. ఆ తరువాత మళ్లీ కోడిపుంజును దొరకపుచ్చుకుని గిర్రున తిప్పి నేలకేసి కొట్టింది. ఈ టార్చర్ తో ఆ కోడిపుంజు నరకం చూసింది. అయితే, కోడిపుంజును అంతగా హింసించడానికి కారణాలేంటో మాత్రం వీడియోలో తెలియరాలేదు.

Viral: గర్ల్‌ఫ్రెండ్ నిజస్వరూపం తెలిసి ఆగ్రహం.. పెళ్లి రోజున ప్రతీకారం

ఇక ఈ సీన్ చూసిన జనాలు మండిపడుతున్నారు. యువతి శాడిస్టులా ఉందని ఆగ్రహం వ్యక్తం చేశారు. మూగజీవాలపై ఇంతటి కాఠిన్యం ప్రదర్శించేవాళ్లు సభ్య సమాజంలో ఉండటానికి వీల్లేదని అన్నారు. ఇలాంటి వాళ్లను తక్షణం జైల్లో పెట్టాలని అన్నారు. ఇలా రకరకాల కామెంట్స్ మధ్య వీడియో విపరీతంగా వైరల్ అవుతోంది. మరి మీరూ ఈ వీడియోపై ఓ లుక్కేయండి.

Read Viral and Telugu News