ViralVideo: భలే యాక్సిడెంట్.. ఎలా జరిగిందో కానీ.. కడుపుబ్బా నవ్వుకుంటున్న నెటిజన్లు!
ABN, Publish Date - Mar 14 , 2024 | 07:45 PM
యువతులు తమ స్కూటీతో ఏకంగా ఇంటి టాపులోకి దూసుకుపోయిన వీడియో ప్రస్తుతం నెట్టింట వైరల్‌గా మారింది.
ఇంటర్నెట్ డెస్క్: యాక్సిడెంట్ ఏంటి? నవ్వు రావడమేంటి? అంటారా.. అయితే, వీడియో చూసిన ప్రతి ఒక్కరు పడీపడీ నవ్వుకుంటున్నారు. ఇద్దరు యువతులు చేసిన నిర్వాకం తాలూకు వీడియో ఇది. నెట్టింట విపరీతంగా వైరల్ (Viral Video) అవుతోంది.
ఇంటిపైకప్పులో చిక్కుకుపోయిన ఓ స్కూటీ, ఇద్దరు యువతుల దృశ్యంతో ఈ వీడియో ప్రారంభమవుతుంది. వాస్తవానికి ఇల్లు రోడ్డు కంటే కాస్త దిగువనే ఉంటుంది. అంటే, వాహనాలు అదుపుతప్పితే నేరుగా ఇంటిపైకప్పు మీదకు దూసుకెళతాయన్న మాట. యువతుల విషయంలోనూ దాదాపుగా ఇదే జరిగింది. ఈ యాక్సిడెంట్ ఎలా జరిగిందో కానీ ఇద్దరు యువతులు కూర్చున్న స్కూటీ నేరుగా ఆ ఇంటి పైకప్పులోకి దూసుకుపోయింది. దీంతో, పెద్ద రంధ్రం ఏర్పడింది. యువతులు కూడా అందులోనే చిక్కుకుపోగా కొందరు వారిని బయటకు లాగే ప్రయత్నం చేస్తున్నారు (Two Girls Stuck On Rooftop With Their Scooty).
Viral: సుద్దపూసలా గుడిలోకి వచ్చి.. శివలింగానికి భక్తిశ్రద్ధలతో మొక్కి.. ఆపై ఊహించని విధంగా..
ఈ ఉదంతం మొత్నాన్ని చూసి నెటిజన్లు కడుపుబ్బా నవ్వుకుంటున్నారు. యువతులకు ఏ ప్రమాదం జరగకపోవడంతో హర్షం వ్యక్తం చేస్తూనే యువతులపై వరుస పెట్టి సరదా కామెంట్స్ చేస్తున్నారు. వాహనాన్ని ఇలాగే పార్క్ చేయాలి అంటూ మరికొందరు సెటైర్లు పేల్చారు. అయితే, కొందరు మాత్రం ఈ ఘటనపై ఆవేదన వ్యక్తం చేశారు. డ్రైవింగ్ చేసేవారు నిత్యం అప్రమత్తంగా ఉండాలని, ఏమరపాటు, అనుభవ రాహిత్యంతో ప్రాణాలకే ప్రమాదమని హెచ్చరించారు. ఇలా రకరకాల కామెంట్ల మధ్య వీడియో ప్రస్తుతం ట్రెండింగ్‌లో (Trending) ఉంది.
Viral: ఇంటర్వ్యూకు వచ్చిన యువతి కోరిక విని నోరెళ్లబెట్టిన కంపెనీ సీఈఓ!
మరిన్ని వైరల్ వార్తల కోసం ఈ లింక్‌పై క్లిక్ చేయండి
Updated Date - Mar 14 , 2024 | 07:51 PM
