Viral Video: హాయిగా నడుచుకుంటూ వెళ్తున్న కోతికి షాకింగ్ అనుభవం.. హఠాత్తుగా మొసలి నోటికి చిక్కి..

ABN, Publish Date - Dec 18 , 2024 | 03:54 PM

ఎన్నో హంటింగ్ వీడియోలు సోషల్ మీడియాలో దర్శనమిచ్చాయి. వాటిని చూస్తున్నప్పుడు మన మనసు పూర్తిగా జాలితో నిండిపోతుంది. ప్రస్తుతం సోషల్ మీడియాలో వైరల్ అవుతున్న వీడియో చూస్తే అయ్యో.. పాపం అనిపించకమానదు.

Crocodiles Attacks monkey

ఒక జంతువుకు ఆకలి వేసిందంటే.. మరో జంతువుకు ఆయువు మూడినట్టే. ఇదే అడవి ధర్మం. అడవిలో క్రూర మృగాలు (Wild Animals) తమ ఆకలిని తీర్చుకునేందుకు ఇతర జంతువులను వేటాడతాయి. ఇప్పటికే అలాంటి ఎన్నో హంటింగ్ వీడియోలు (Hunting Video) సోషల్ మీడియాలో దర్శనమిచ్చాయి. వాటిని చూస్తున్నప్పుడు మన మనసు పూర్తిగా జాలితో నిండిపోతుంది. ప్రస్తుతం సోషల్ మీడియాలో వైరల్ అవుతున్న వీడియో చూస్తే అయ్యో.. పాపం అనిపించకమానదు. హాయిగా నడుచుకుంటూ వెళ్తున్న కోతి (Monkey) ఓ మొసలి (Crocodile)కి ఆహారం అయిపోయింది. ఆ వీడియో నెట్టింట హల్‌చల్ చేస్తోంది (Viral Video).

anytimemothernature అనే ఇన్‌స్టాగ్రామ్ హ్యాండిల్‌లో ఈ వీడియో షేర్ అయింది. వైరల్ అవుతున్న ఆ వీడియో ప్రకారం.. ఓ కోతి నది ఒడ్డున హాయిగా నడుచుకుంటూ వెళ్తోంది. ఆ సమయంలో ఆ కోతికి షాకింగ్ అనుభవం ఎదురైంది. గట్టుకు పక్కనే దాక్కున్న ఓ మొసలి హఠాత్తుగా ఆ కోతిని పట్టుకుంది. బిత్తరపోయిన కోతి తప్పించుకునేందుకు ప్రయత్నించింది. అయితే ఆ మొసలి పట్టు వదల్లేదు. కోతి కాలిని తన దవడలతో గట్టిగా పట్టుకుని నీటిలోకి లాక్కుని వెళ్లిపోయింది. ఓ పర్యాటకుడు ఆ దృశ్యాన్ని కెమెరాలో బంధించాడు. ఆ వీడియోను సోషల్ మీడియాలో పోస్ట్ చేయడంతో అది కాస్తా వైరల్‌గా మారింది.

ఆ వైరల్ వీడియోను ఇప్పటివరకు దాదాపు 4 లక్షల మంది వీక్షించారు. దాదాపు 40 వేల మంది ఆ వీడియోను లైక్ చేశారు. ఆ వీడియోపై నెటిజన్లు తమదైన శైలిలో స్పందించారు. ``అందరికీ ఆకలి వేస్తుంది కదా``, ``ఆహారం కోసం ఒక జంతువును మరో జంతువు తినడం సాధారణమే``, ``పాపం.. కోతి టైమ్ బాగోలేదు`` అంటూ నెటిజన్లు కామెంట్లు చేశారు.