Viral Vidoe: మ్యాచుకు ముందు న్యూయార్క్‌ వీధుల్లో విరాట్ కోహ్లీ, అనుష్క శర్మ

టీమ్ ఇండియా స్టార్ క్రికెటర్ విరాట్ కోహ్లీ(Virat Kohli), తన భార్య అనుష్క శర్మ(Anushka Sharma) న్యూయార్క్(New York) పర్యటనలో షికారు చేస్తున్నారు. ఆ క్రమంలో అమెరికాలోని అందమైన నగరాల్లో ఒకటైన న్యూయార్క్ వీధుల్లో అనుష్క, విరాట్ వాక్ చేస్తున్న వీడియో ప్రస్తుతం సోషల్ మీడియాలో వైరల్ అవుతోంది. వీడియోలో భార్యాభర్తలు క్యాజువల్ లుక్‌లో నడుస్తూ కనిపించారు. ఈ సందర్భంగా విరాట్ తన భార్య పట్ల ప్రేమ చూపించినట్లుగా కనిపిస్తుంది.

ఆ సమయంలోనే ఓ అమెరికన్ వ్యక్తి నడకతో అనుష్కను కొంచెం కలవరపెట్టినట్లు అనిపిస్తుంది. ఆ సమయంలో విరాట్ కొంచెం కంగారుపడినట్లు అనిపిస్తుంది. కోహ్లి తన భార్యను కారులో కూర్చోబెట్టాలనుకున్న క్రమంలోనే వారి ఎస్‌యూవీ పక్కనుంచి మరో వ్యక్తి నడుచుకుంటూ వెళ్లారు. దీంతో అనుష్కను ఇటు వైపు వచ్చి ఎక్కాలని కోహ్లీ కోరడంతో అనుష్క వచ్చేస్తుంది. అటుగా వచ్చిన ఓ వ్యక్తి వారిని ఇబ్బంది పెట్టినట్లు అనిపిస్తుంది. ఈ వీడియో చూసిన నెటిజన్లు పలు రకాలుగా కామెంట్లు చేస్తున్నారు.

టీమ్ ఇండియా మాజీ కెప్టెన్ విరాట్ కోహ్లీ T20 ప్రపంచ కప్ 2024 కోసం గత వారం న్యూయార్క్ బయలుదేరాడు. ఆ సమయంలో ముంబై విమానాశ్రయంలో అతనితో పాటు అనుష్క శర్మ, వారి పిల్లలు వామిక, అకే కూడా ఉన్నారు. ఆ క్రమంలో విరాట్ కోహ్లీ ఫోటోలకు ఫోజులిచ్చారు. దీంతో పాటు అనుష్కను అనుసరించవద్దని ఫోటో గ్రాఫర్లను అభ్యర్థించాడు. ఆమె దగ్గర పిల్లలు ఉన్నారని కోహ్లీ స్పష్టం చేశాడు. నేడు భారత్, పాకిస్తాన్ జట్ల మధ్య టీ20 ప్రపంచకప్ 2024 మ్యాచ్ జరగనుంది. ఈ మ్యాచులో విరాట్ ఏ మేరకు స్కోర్ చేస్తాడో చూడాలి మరి.

ఇది కూడా చదవండి:

T20 World Cup 2024: ఇండియా vs పాకిస్తాన్ మ్యాచ్ టిక్కెట్ ధర.. తెలిస్తే షాక్ అవుతారు

Narendra Modi Swearing Ceremony: నేడు నరేంద్ర మోదీ ప్రమాణ స్వీకారోత్సవానికి సర్వం సిద్ధం.. నేడు, రేపు ఆంక్షలు, 500 సీసీటీవీలతో..

Read Latest Sports News and Telugu News