Google for India: గూగుల్ ఫర్ ఇండియా ఈవెంట్‌లో కీలక ప్రకటనలివే

గూగుల్(google) తన 10వ ఎడిషన్ గూగుల్ ఫర్ ఇండియా 2024 కార్యక్రమాన్ని ఈరోజు న్యూఢిల్లీలో ఘనంగా ముగించింది. ఈ సందర్భంగా కీలక ప్రకటనలు చేసింది. భారతదేశం డిజిటలైజేషన్‌లో Google సహకారం గురించి సమాచారాన్ని అందించడం ఈ ఈవెంట్ లక్ష్యం. ఇండియా ఇన్వెంట్ 2024 కోసం గూగుల్‌లో AIకి సంబంధించి బిగ్ అప్‌డేట్ అందించింది. గూగుల్ హిందీ భాషతో భారతదేశంలో జెమిని ఏఐ లైవ్‌ను ప్రవేశపెట్టింది. ఈ క్రమంలో మీరు జెమిని AIతో హిందీలో కూడా మాట్లాడగలరు. హిందీ, తెలుగుతోపాటు జెమిని AIలో 8 భారతీయ భాషలకు సపోర్ట్ చేస్తుంది.

8 భాషల్లో

ఇందులో తమిళం, బెంగాలీ, తెలుగు, మరాఠీ, కన్నడ, మలయాళం, గుజరాతీ, ఉర్దూ ఉన్నాయి. గూగుల్ ప్రకారం భారతదేశంలో 40 శాతానికి పైగా ప్రజలు తమ ప్రాంతీయ భాషలో జెమినిని ఉపయోగించడానికి ఇష్టపడుతున్నారు. అందుకే వినియోగదారులకు మెరుగైన అనుభవాన్ని అందించడానికి హిందీతో పాటు ఇతర భాషలకు సపోర్ట్ అందించబడింది. భవిష్యత్తులో గూగుల్ భారతదేశంలో ఉపయోగించే ఇతర భాషలకు కూడా సపోర్ట్ చేస్తుంది. ఈ AI ఆధారిత ఫీచర్ వినియోగదారులను చాట్‌బాట్‌తో సాధారణ భాషలో ఇంటరాక్ట్ అయ్యేలా చేస్తుంది.

2025 నాటికి

దీంతోపాటు వినియోగదారులు వారి సొంత భాషలో టెక్స్ట్ లేదా ఆడియో ద్వారా AIని ప్రశ్నలు అడగవచ్చు. అది అదే పద్ధతిలో ప్రతిస్పందిస్తుంది. ఈ ఫీచర్ Google DeepMindచే అభివృద్ధి చేయబడింది. Google I/Oలో మొదట ప్రదర్శించబడింది. ప్రారంభంలో ఇది చెల్లింపు చేసిన వినియోగదారుల కోసం ప్రవేశపెట్టబడింది. కానీ ఇప్పుడు ఎవరైనా ఉచితంగా జెమిని లైవ్‌ను ఉపయోగించుకోవచ్చు. మరోవైపు 2025 నాటికి భారత్‌లో తొలి సేఫ్టీ ఇంజినీరింగ్ సిస్టమ్‌ను కూడా ప్రారంభిస్తామని గూగుల్ తెలిపింది.

ఆరోగ్య సంరక్షణ, వెదర్

ప్రస్తుతం వైద్య రంగంలో ప్రజలకు సౌకర్యాలు కల్పించేందుకు గూగుల్ వేగంగా పనిచేస్తోంది. AI పరిధిని క్రమంగా విస్తరిస్తున్నట్లు Google తన ఈవెంట్‌లో తెలిపింది. క్యాన్సర్, టీవీ స్క్రీనింగ్‌లో కూడా కంపెనీ త్వరలో ఆర్టిఫిషియల్ ఇంటెలిజెన్స్ సహాయం తీసుకోనున్నట్లు వెల్లడించింది. ఇప్పటికే చాలా చోట్ల ఈ టెక్నాలజీని ఉపయోగిస్తున్నట్లు చెప్పింది. గూగుల్ రెండు కొత్త రియల్ టైమ్ వాతావరణ అప్‌డేట్‌లను విడుదల చేసింది. ఈ కొత్త అప్‌డేట్‌తో వరదలు లేదా వర్షం వంటి పరిస్థితుల్లో మీరు నోటిఫికేషన్‌లను పొందుతారు. వర్షం వచ్చే వాతావరణం గురించి మీకు ముందుగానే సమాచారం తెలియజేస్తుంది.

జీపే నుంచి మరో ఫీచర్

ఈ క్రమంలోనే Google ఇప్పుడు GPayలో వినియోగదారులకు UPI మద్దతును అందించింది. దీంతో UPI సర్కిల్ ఫీచర్ సహాయంతో ఏ వ్యక్తి అయినా తన బంధువులు, స్నేహితులు లేదా మరెవరికైనా చెల్లింపులు చేసుకోవచ్చు. ఎలాగంటే మీరు ఏదైనా కొనుగోలు చేయడానికి దుకాణానికి వెళ్లి చెల్లింపు కోసం మీ వద్ద నగదు లేదా UPI ID లేకపోతే UPI సర్కిల్ సహాయంతో మీరు మీ స్నేహితులు లేదా కుటుంబ సభ్యులలో ఎవరినైనా చెల్లింపు చేయమని అభ్యర్థించవచ్చు.

ఇవి కూడా చదవండి:

ChatGPT: చాట్‌జీపీటీ వినియోగదారులకు షాకింగ్ న్యూస్

Online Shopping Tips: పండుగల సీజన్‌లో ఆన్‌లైన్‌ షాపింగ్ చేస్తున్నారా.. ఈ జాగ్రత్తలు తప్పనిసరి

WhatsApp Hacking: మీ వాట్సాప్ ఖాతా హ్యాకైందో లేదో ఇలా తెలుసుకోండి..

Bank Holidays: అక్టోబర్‌లో బ్యాంకు సెలవులు ఎన్నిరోజులంటే.. పనిచేసేది మాత్రం.

Business Idea: ఈ వ్యాపారం ఎవర్ గ్రీన్.. రూ.50 వేల పెట్టుబడి, 11 లక్షలకుపైగా లాభం..

For More Technology News and Telugu News