Hyderabad: గాంధీభవన్‌లో ఘనంగా నెహ్రూ జయంతి
ABN, Publish Date - Nov 15 , 2024 | 04:29 AM
దివంగత ప్రధాని, భారతరత్న పండిట్‌ జవహర్‌లాల్‌ నెహ్రూ పంచవర్ష ప్రణాళికలతో దేశాన్ని అభివృద్థి పథంలో నడిపిన దార్శనికుడని డిప్యూటీ సీఎం మల్లు భట్టివిక్రమార్క అన్నారు.
హైదరాబాద్‌, నవంబర్‌ 14 (ఆంధ్రజ్యోతి): దివంగత ప్రధాని, భారతరత్న పండిట్‌ జవహర్‌లాల్‌ నెహ్రూ పంచవర్ష ప్రణాళికలతో దేశాన్ని అభివృద్థి పథంలో నడిపిన దార్శనికుడని డిప్యూటీ సీఎం మల్లు భట్టివిక్రమార్క అన్నారు. గురువారం గాంధీభవన్‌లో టీపీసీసీ సేవాదళ్‌ అధ్యక్షుడె మిద్దెల జితేందర్‌ ఆధ్వర్యంలో జరిగిన నెహ్రూ జయంతి వేడుకల్లో పాల్గొన్నారు. ఈ సందర్భంగా... నెహ్రూ చిత్రపటానికి పూలమాల వేసి ఘనంగా నివాళులర్పించారు. ఈ కార్యక్రమంలో రాష్ట్ర కాంగ్రెస్‌ వ్యవహారాల ఇన్‌చార్జి దీపాదాస్‌ మున్షీ, టీపీసీసీ మీడియా కమ్యూనికేషన్‌ ఇన్‌చార్జి సామ రామ్మోహన్‌ రెడ్డితో పాటు పలువురు సేవాదళ్‌ కార్యకర్తలు పాల్గొన్నారు.
Updated Date - Nov 15 , 2024 | 04:29 AM
