DK Aruna : ఎన్నికల ముందు సీఎం రేవంత్‌రెడ్డికి ఆ విషయం తెలియదా..?
ABN, Publish Date - Mar 12 , 2024 | 11:11 PM
కాంగ్రెస్ ప్రభుత్వం ఆర్భాటాలు చేస్తుంది తప్పితే రాష్ట్రంలో పథకాలు అమలైన దాఖలాలు లేవని బీజేపీ సీనియర్ నాయకురాలు డీకే అరుణ(DK Aruna) అన్నారు. మంగళవారం నాడు అరుణ మీడియాతో మాట్లాడుతూ.. మరోసారి కేంద్రంలో మోదీ ప్రభుత్వం వచ్చేందుకు ప్రతి ఒక్కరూ కృషి చేయాలని కోరారు. ప్రతి ఇంటికి వెళ్లి కార్యకర్తలు ప్రచారం నిర్వహించాలన్నారు.
హైదరాబాద్: కాంగ్రెస్ ప్రభుత్వం ఆర్భాటాలు చేస్తుంది తప్పితే రాష్ట్రంలో పథకాలు అమలైన దాఖలాలు లేవని బీజేపీ సీనియర్ నాయకురాలు డీకే అరుణ(DK Aruna) అన్నారు. మంగళవారం నాడు అరుణ మీడియాతో మాట్లాడుతూ.. మరోసారి కేంద్రంలో మోదీ ప్రభుత్వం వచ్చేందుకు ప్రతి ఒక్కరూ కృషి చేయాలని కోరారు. ప్రతి ఇంటికి వెళ్లి కార్యకర్తలు ప్రచారం నిర్వహించాలన్నారు. మోదీ సంక్షేమ పథకాలు ప్రతి ఇంటికి వెళ్లాయన్నారు. ప్రతి ఒక్కరూ కరోనా వ్యాక్సిన్ తీసుకున్నారని చెప్పారు. ప్రతి ఇంట్లో లబ్ధిదారు ఉన్నారని తెలిపారు. లోక్‌సభ ఎన్నికల్లో తెలంగాణలో 17 ఎంపీ స్థానాలు గెలిస్తే రాహుల్ గాంధీ ప్రధానమంత్రి అవుతారా అని ప్రశ్నించారు. బొటాబొటి మెజార్టీతో రాష్ట్రంలో కాంగ్రెస్ ప్రభుత్వం వచ్చిందని తెలిపారు. ప్రజలను మోసం చేసి అధికారంలోకి వచ్చిందన్నారు. రాష్ట్రం అప్పుల్లో ఉందని ఎన్నికల ముందు సీఎం రేవంత్‌రెడ్డకి తెలియదా అని ప్రశ్నించారు. హామీలను వందరోజుల్లో అమలు చేస్తామని మాట తప్పుతున్నారని మండిపడ్డారు. రాముని అక్షింతలను ఇంటింటికీ పంచిన ప్రధానమంత్రి నరేంద్ర మోదీని మరోసారి గెలిపించుకోవాలని డీకే అరుణ కోరారు.
Updated Date - Mar 12 , 2024 | 11:11 PM
