Errabelli Dayakar Rao: ఏం చేశారని విజయోత్సవ సభ:ఎర్రబెల్లి
ABN, Publish Date - Nov 19 , 2024 | 02:22 AM
అబద్ధాలు ప్రచారం చేసి అధికారంలోకి వచ్చిన కాంగ్రెస్‌ ప్రభుత్వం, ప్రజలకు ఏం చేసిందని ‘ప్రజా పాలన విజయోత్సవ’ సభ నిర్వహిస్తున్నారని మాజీ మంత్రి ఎర్రబెల్లి దయాకర్‌రావు ప్రశ్నించారు.
వరంగల్‌, నవంబరు 18 (ఆంధ్రజ్యోతి ప్రతినిధి): అబద్ధాలు ప్రచారం చేసి అధికారంలోకి వచ్చిన కాంగ్రెస్‌ ప్రభుత్వం, ప్రజలకు ఏం చేసిందని ‘ప్రజా పాలన విజయోత్సవ’ సభ నిర్వహిస్తున్నారని మాజీ మంత్రి ఎర్రబెల్లి దయాకర్‌రావు ప్రశ్నించారు. తెలంగాణ ఆడపడుచులకు ఇచ్చిన హామీలను అమలు చేయకుండా సభ నిర్వహిస్తున్నారంటే నవ్వొస్తుందని ఎద్దేవాచేశారు. ఆడబిడ్డలకు ఇస్తామని చెప్పిన తులం బంగారం, రూ. 2,500 సాయం, కల్యాణలక్ష్మి, విద్యార్థినులకు స్కూటీలు ఎక్కడకు పోయాయని నిలదీశారు. 22 జిల్లాల్లో మహిళల డబ్బులతో మహిళా సమాఖ్య భవనాలు నిర్మిస్తున్నారని ఆరోపించారు. మహిళలకు ఏం చేయకుండా మహిళ శక్తి విజయోత్సవ సభ పెట్టడానికి సిగ్గుగా లేదా అని దయాకర్‌రావు విమర్శించారు.
Updated Date - Nov 19 , 2024 | 02:22 AM
