TS News: నేటి నుంచి బీజేపీ సభ్యత్వ నమోదు ఉత్సవ్
ABN, Publish Date - Aug 21 , 2024 | 07:55 AM
ఇవాళ్టి (బుధవారం) నుంచి బీజేపీ సభ్యత్వ నమోదు ఉత్సవ్ కార్యక్రమం జరగనుంది. ఉదయం 11 గంటలకు సికింద్రాబాద్ క్లాసిక్ గార్డెన్స్‌లో కేంద్ర మంత్రి కిషన్ రెడ్డి ఈ కార్యక్రమాన్ని ప్రారంభించనున్నారు.
హైదరాబాద్: ఇవాళ్టి (బుధవారం) నుంచి బీజేపీ సభ్యత్వ నమోదు ఉత్సవ్ కార్యక్రమం జరగనుంది. ఉదయం 11 గంటలకు సికింద్రాబాద్ క్లాసిక్ గార్డెన్స్‌లో కేంద్ర మంత్రి కిషన్ రెడ్డి ఈ కార్యక్రమాన్ని ప్రారంభించనున్నారు. బీజేపీ జాతీయ కార్యదర్శి విజయ రహత్కర్ ముఖ్య అతిథిగా హాజరుకానున్నారు. ఈ కార్యక్రమంలో కేంద్రమంత్రి బండి సంజయ్, ఎంపీలు లక్ష్మణ్, డీకే అరుణ, ఈటల, ఎమ్మెల్యే కాటిపల్లి వెంకటరమణరెడ్డి, ఎమ్మెల్సీ ఏవీఎన్ రెడ్డితో పాటు తదితరులు పాల్గొననున్నారు. మరికొందరు బీజేపీ నేతలు కూడా పాల్గొననున్నారని తెలుస్తోంది.
మంత్రి కిషన్ రెడ్డి నేటి షెడ్యూల్..
కేంద్ర మంత్రి కిషన్ రెడ్డి ఈ రోజు ఉదయం 9 గంటలకు హైదరాబాద్ నగరంలోని సనత్‌నగర్‌లో ఒక జిమ్ ఓపెనింగ్ కార్యక్రమంలో పాల్గొననున్నారు. 9.30 గంటలకు సికింద్రాబాద్‌లోని మెట్టుగూడ డివిజన్‌లో మరో జిమ్‌ను ప్రారంభిస్తారు. అనంతరం సికింద్రాబాద్‌లోనే ఉదయం 11 గంటలకు జరగనున్న రాష్ట్రస్థాయి బీజేపీ సమావేశంలో ఆయన పాల్గొంటారు.
Updated Date - Aug 21 , 2024 | 07:56 AM
