పర్యాటక ప్రాంతాల అభివృద్ధి: మంత్రి జూపల్లి
ABN, Publish Date - Sep 23 , 2024 | 05:19 AM
తెలంగాణకు దేశ, విదేశీ పర్యాటకులను ఆకర్షించడమే ప్రధాన లక్ష్యంగా ప్రభుత్వం ప్రణాళికలు రూపొందిస్తోందని మంత్రి జూపల్లి కృష్ణారావు తెలిపారు. పర్యాటక ప్రాంతాలను అంతర్జాతీయ స్థాయి ప్రమాణాలతో అభివృద్ధి చేసేందుకు కార్యాచరణను సిద్ధం చేస్తున్నట్లు చెప్పారు.
హైదరాబాద్‌, సెప్టెంబరు 22 (ఆంధ్రజ్యోతి): తెలంగాణకు దేశ, విదేశీ పర్యాటకులను ఆకర్షించడమే ప్రధాన లక్ష్యంగా ప్రభుత్వం ప్రణాళికలు రూపొందిస్తోందని మంత్రి జూపల్లి కృష్ణారావు తెలిపారు. పర్యాటక ప్రాంతాలను అంతర్జాతీయ స్థాయి ప్రమాణాలతో అభివృద్ధి చేసేందుకు కార్యాచరణను సిద్ధం చేస్తున్నట్లు చెప్పారు. రాష్ట్ర పర్యాటక అభివృద్ధి సంస్థ-హైదరాబాద్‌ బైక్‌రైడర్స్‌ సంయుక్త ఆధ్వర్యంలో ఆదివారం బేగంపేట ప్లాజాలో ‘రైడ్‌టు నిర్వాణ-బుద్ధవనం’ బైక్‌ ర్యాలీని మంత్రి జూపల్లి జెండా ఊపి ప్రారంభించారు. ఈ సందర్భంగా ఆయన మాట్లాడుతూ నాగార్జునసాగర్‌లో బౌద్ధ వారసత్వాన్ని నేటి తరానికి పరిచయం చేయడానికి అన్ని హంగులతో బుద్ధవనం ప్రాజెక్టును ప్రభుత్వం నిర్మించిందని చెప్పారు. అనంతరం టూరిజం ప్లాజా నుంచి తార్నాక వరకు మంత్రి జూపల్లి బైక్‌ నడిపి బైకర్స్‌లో ఉత్సాహాన్ని నింపారు.
Updated Date - Sep 23 , 2024 | 05:19 AM
