TG: బాబు సీఎం కావాలని నాలుక కోసుకున్నాడు..
ABN, Publish Date - May 13 , 2024 | 05:02 AM
: ఆంధ్రప్రదేశ్‌కు చంద్రబాబు ముఖ్యమంత్రి కావాలని ఆకాంక్షిస్తూ ఓ వ్యకి హైదరాబాద్‌లోని వేంకటేశ్వరస్వామి ఆలయంలో నాలుక కోసుకున్నారు. ఏపీలోని ఏలూరు జిల్లా పోలవరం మండలం, గూటల గ్రామానికి చెందిన చేడల మహేశ్‌ వ్యవసాయం చేస్తూ కుటుంబాన్ని పోషించుకుంటున్నారు.
బంజారాహిల్స్‌, మే 12(ఆంధ్రజ్యోతి): ఆంధ్రప్రదేశ్‌కు చంద్రబాబు ముఖ్యమంత్రి కావాలని ఆకాంక్షిస్తూ ఓ వ్యకి హైదరాబాద్‌లోని వేంకటేశ్వరస్వామి ఆలయంలో నాలుక కోసుకున్నారు. ఏపీలోని ఏలూరు జిల్లా పోలవరం మండలం, గూటల గ్రామానికి చెందిన చేడల మహేశ్‌ వ్యవసాయం చేస్తూ కుటుంబాన్ని పోషించుకుంటున్నారు. ఆదివారం హైదరాబాద్‌ శ్రీనగర్‌కాలనీ వేంకటేశ్వరస్వామి ఆలయానికి వచ్చిన మహేశ్‌ బ్లేడుతో నాలుక కోసుకున్నారు.
రక్తస్రావాన్ని గమనించి బంజారాహిల్స్‌ పోలీసులకు సమాచారం ఇవ్వగా, స్థానిక ఆస్పత్రికి తరలించి చికిత్స చేయించారు. అతని జేబులో ఉన్న ఓ లేఖను స్వాధీనం చేసుకున్నారు. 2004, 2009లో వైఎస్‌ రాజేశేఖర్‌రెడ్డి సీఎం కావాలని, 2019లో వైఎస్‌ జగన్మోహన్‌రెడ్డి సీఎం కావాలని తాను ఇలాగే నాలుక కోసుకొని మొక్కు చెల్లించినందుకు వారు గెలిచారని, అందుకే ఇప్పుడు చంద్రబాబు సీఎం కావాలని మొక్కు చెల్లించినట్టు పేర్కొన్నారు.
Updated Date - May 13 , 2024 | 05:06 AM
