Hyderabad: దీపావళి పటాసుల కన్నా ముందే రాజకీయ బాంబు పేలుతుంది: పొంగులేటి
ABN, Publish Date - Oct 27 , 2024 | 04:15 AM
రాష్ట్రంలో రాజకీయ బాంబు పేలబోతోందంటూ దక్షిణ కొరియా పర్యటనలో వ్యాఖ్యానించిన మంత్రి పొంగులేటి శ్రీనివాస్‌రెడ్డి ఆ విషయాన్ని మరోసారి ప్రస్తావించారు.
హైదరాబాద్‌, అక్టోబరు 26 (ఆంధ్రజ్యోతి): రాష్ట్రంలో రాజకీయ బాంబు పేలబోతోందంటూ దక్షిణ కొరియా పర్యటనలో వ్యాఖ్యానించిన మంత్రి పొంగులేటి శ్రీనివాస్‌రెడ్డి ఆ విషయాన్ని మరోసారి ప్రస్తావించారు. శనివారం విలేకరుల సమావేశంలో దీనిపై మాట్లాడుతూ.. దీపావళి పటాసుల కన్నా ముందే రాజకీయ బాంబు పేలుతుందని చెప్పారు.
ఇందిరమ్మ లబ్ధిదారుల ఎంపికకు ప్రత్యేక యాప్‌
రాష్ట్రంలో ఇందిరమ్మ ఇళ్ల లబ్ధిదారుల ఎంపిక కోసం యాప్‌ను అందుబాటులోకి తీసుకురానున్నట్లు పొంగులేటి తెలిపారు. ఇందిరమ్మ ఇళ్లపై సమీక్ష సందర్భంగా ఆయన మాట్లాడుతూ ఇప్పటికే యాప్‌ను రూపొందించామని, వారంలో దీన్ని అందుబాటులోకి తెస్తున్నామని తెలిపారు. ఎలాంటి వివక్షకు తావులేకుండా అర్హులైన వారికి ఇందిరమ్మ ఇళ్లు కేటాయిస్తామన్నారు.
Updated Date - Oct 27 , 2024 | 04:15 AM
