CM Revanth: సీఎం రేవంత్ రెడ్డి బర్త్ డే షెడ్యూల్ ఇదే..
ABN, Publish Date - Nov 07 , 2024 | 01:21 PM
తెలంగాణ సీఎం రేవంత్ రెడ్డి రేపు తన పుట్టిన రోజును జరుపుకోనున్నారు. ఉదయం 8 గంటలకు కుటుంబ సమేతంగా యాదాద్రికి వెళ్లి ప్రత్యేక పూజలు చేయనున్నారు.
CM Revanth Reddy: రేపు తెలంగాణ సీఎం రేవంత్ రెడ్డి తన పుట్టిన రోజును జరుపుకోనున్నారు. ఈ సందర్భంగా రేపు ఉదయం 8 గంటలకు ఆయన తన కుటుంబ సమేతంగా యాదాద్రికి వెళ్లనున్నారు. ఉదయం 8:45 గంటలకు యాదాద్రి లక్ష్మీనరసింహస్వామి ఆలయంలో సీఎం రేవంత్ రెడ్డి ప్రత్యేక పూజలు చేయనున్నారు. ఉదయం 10 గంటలకు YTDA అధికారులతో ఆలయ అభివృద్దిపై సీఎం సమీక్ష నిర్వహించనున్నారు. అనంతరం మూసి పునరుజ్జీవ ప్రజా చైతన్య పాదయాత్ర ప్రారంభించనున్నారు.
ప్రజా చైతన్య పాదయాత్ర
మధ్యాహ్నం 1 గంటకు వలిగొండ మండలం సంగెం నుంచి సీఎం రేవంత్ రెడ్డి ప్రజా చైతన్య పాదయాత్ర చేపడుతారు. మూసీ పరివాహక ప్రాంతంలో 6కిలోమీటర్లు పాదయాత్ర చేయనున్నారు. ఈ కార్యక్రమంలో భాగంగానే భీమలింగం, ధర్మారెడ్డి కాల్వలను సందర్శించనున్నారు. అనంతరం మూసి పరివాహక ప్రాంత రైతులతో సమావేశం కానున్నారు. రైతుల యోగా క్షేమాలు అడిగి తెలుసుకోనున్నారు. రైతులతో సమావేశం అనంతరం తిరిగి హైదరాబాద్ చేరుకోనున్నారు. ఈ కార్యక్రమ ఏర్పాట్లను ఎంపీ చామల కిరణ్ కుమార్, ఎమ్మేల్యే కుంభం అనిల్ కుమార్ పర్యవేక్షిస్తున్నారు.
Also Read:
రేవంత్‌కు ఫ్యాన్స్ బిగ్ సర్‌ప్రైజ్.. జీవితంలో గుర్తుండిపోయేలా బర్త్‌డే కానుక
నటి జెత్వానీ కేసులో హైకోర్టులో నేటి విచారణ పూర్తి.. అప్‌డేట్ ఏంటంటే..
జగన్ తొందరపడుతున్నారా.. ఆరు నెలలు కాకుండానే యుద్ధం చేస్తారా..
For More Andhra Pradesh and Telangana News
Updated Date - Nov 07 , 2024 | 01:30 PM
