DM Super Specialty: హోమియోపతిలో త్వరలో సూపర్‌ స్పెషాలిటీ కోర్సులు

ఐఐహెచ్‌పీ జాతీయ అధ్యక్షుడు డాక్టర్‌ శివమూర్తి వెల్లడి

గుంటూరులో ఘనంగా హోమియో వైద్యుల రాష్ట్ర సదస్సు

గుంటూరు మెడికల్‌, ఏప్రిల్‌ 13(ఆంధ్రజ్యోతి): హోమియోపతిలో త్వరలో సూపర్‌ స్పెషాలిటీ (డీఎం) కోర్సులు ప్రవేశపెడుతున్నట్లు ఇండియన్‌ ఇనిస్టిట్యూట్‌ ఆఫ్‌ హోమియోపతిక్‌ ఫిజీషియన్స్‌ (ఐఐహెచ్‌పీ) జాతీయ అధ్యక్షుడు డాక్టర్‌ కేఎ్‌సఎస్‌ శివమూర్తి వెల్లడించారు. ఆదివారం గుంటూరులోని హిందూ ఫార్మసీ కళాశాలలో జరిగిన హోమియోపతి వైద్యుల సంఘం రాష్ట్ర శాఖ 18వ వార్షిక సదస్సుకు ఆయన ముఖ్యఅతిథిగా పాల్గొని ప్రసంగించారు. హోమియోపతిలో ఇప్పటివరకు పీజీ (ఎండీ), పీహెచ్‌డీ వంటి కోర్సులు మాత్రమే అందుబాటులో ఉన్నాయని, ఈ వైద్యాన్ని మరింత బలోపేతం చేసేందుకు డీఎం సూపర్‌ స్పెషాలిటీ కోర్సులు అందుబాటులోకి తెస్తున్నట్లు చెప్పారు. గుడివాడ , రాజమండ్రి, కడప, అనంతపురం, గుంతకల్లు, తాడేపల్లిగూడెంలోని హోమియోపతి కాలేజీల్లో ఖాళీగా ఉన్న వైద్య బోధనా సిబ్బంది పోస్టులను వెంటనే భర్తీ చేయాలని ప్రభుత్వానికి విజ్ఞప్తి చేశారు. సమావేశంలో ఐఐహెచ్‌పీ రాష్ట్ర శాఖ అధ్యక్షుడు డాక్టర్‌ పంకజాక్షన్‌, జిల్లా అధ్యక్షుడు డాక్టర్‌ పి.సంగమేశ్వరరావు త దితరులు ప్రసంగించారు.

ఐఐహెచ్‌పీ రాష్ట్ర నూతన అధ్యక్షుడుగా నరేంద్రనాథ్‌

ఐఐహెచ్‌పీ రాష్ట్ర నూతన అధ్యక్షుడిగా డాక్టర్‌ నరేంద్రనాథ్‌ (గుంటూరు) ఎన్నికయ్యారు. రాష్ట్ర ప్రధాన కార్యదర్శిగా డాక్టర్‌ పీబీకే సతీష్‌ (విశాఖపట్నం), కోశాధికారిగా ఎంఎ్‌సఎస్‌ శాస్త్రి (కాకినాడ), గుంటూరు జిల్లా అధ్యక్షులుగా డాక్టర్‌ లక్ష్మీకుమారి (పొన్నూరు) ఎన్నికయ్యారు.

ఈ వార్తలు కూడా చదవండి..

IAS Officers Transfer: ఏపీలో పలువురు ఐఏఎస్‌లు బదిలీ

AB Venkateswara Rao: కోడికత్తి శ్రీనుతో ఏబీ వెంకటేశ్వరరావు భేటీ.. వైఎస్ జగన్‌పై సంచలన వ్యాఖ్యలు

Fire Accident: భారీ అగ్నిప్రమాదం.. ముగ్గురు సజీవ దహనం..

TTD Board chairman: భూమనపై టీటీడీ బోర్డ్ చైర్మన్ సంచలన వ్యాఖ్యలు

For AndhraPradesh News And Telugu News