Maha Shivaratri 2025: ఈ రసం తాగితే ఉపవాసం ఉన్నా ఫుల్ ఎనర్జిటిక్‌గా ఉంటారు..

హిందూ మతంలో చాలా ముఖ్యమైన, ప్రధానమైన పండుగ అయిన మహాశివరాత్రి రానే వచ్చింది. ప్రతి సంవత్సరం లాగానే మహాశివరాత్రి పండుగ ఫాల్గుణ మాసం కృష్ణ పక్ష చతుర్దశి తిథి నాడు వస్తుంది. హిందూ క్యాలెండర్ ప్రకారం, ఈసారి ఈ తేదీ ఫిబ్రవరి 26న ఉదయం 11:08 గంటలకు ప్రారంభమై ఫిబ్రవరి 27న ఉదయం 8:54 గంటలకు ముగుస్తుంది. ఈ పండుగ సందర్భంగా ప్రజలందరూ పూజలు, ఉపవాసాలు చేస్తారు.

మహాశివరాత్రి పండుగను శివుడు, తల్లి పార్వతి వివాహంగా జరుపుకుంటారు. ఈ రోజున శివుడు సన్యాసాన్ని విడిచిపెట్టి, పార్వతి దేవిని వివాహం చేసుకోవడం ద్వారా వైవాహిక జీవితాన్ని స్వీకరించాడని నమ్ముతారు. ఈ రోజున శివుడిని, పార్వతిని పూజించడం, ఉపవాసం ఉండటం ద్వారా అన్ని కోరికలు నెరవేరుతాయని భక్తుల నమ్మకం.

మహాశివరాత్రి నాడు ఉపవాసం ఉండటం కూడా చాలా శుభప్రదం. అయితే, ఉపవాసం ఉన్నప్పట్టికీ పండ్లను తినవచ్చు. పండ్లను లేదా వాటి జ్యూస్‌ను తీసుకోవడం చాలా ముఖ్యం. ఎందుకంటే అవి మీకు శక్తిని ఇస్తాయి. మీ శరీరాన్ని హైడ్రేటెడ్‌గా ఉంచుతాయి. ఉపవాసం ఉన్నప్పుడు మీరు ఈ రసం తాగితే ఫుల్ యాక్టివ్‌గా ఉంటారు. అదేంటో ఇప్పుడు తెలుసుకుందాం..

దానిమ్మ రసం తాగండి

దానిమ్మలో ఫైబర్, ప్రోటీన్, విటమిన్లు K, E, C, B, ఇనుము, కాల్షియం, పొటాషియం, మెగ్నీషియం, భాస్వరం, కార్బోహైడ్రేట్లు, యాంటీఆక్సిడెంట్లు వంటి అనేక పోషకాలు పుష్కలంగా ఉన్నాయి. ఇవి శరీరానికి అనేక ప్రయోజనాలను అందిస్తాయి. ఈ రోజూ దానిమ్మ రసం తాగడం వల్ల శరీరానికి అనేక ప్రయోజనాలు లభిస్తాయి. ఉపవాస సమయంలో దీనిని తాగడం చాలా మంచిది.

శక్తిని ఇస్తుంది

దానిమ్మ రసంలో ఉండే సహజ చక్కెర, యాంటీఆక్సిడెంట్లు శరీరంలో శక్తిని పెంచడంలో సహాయపడతాయి. ఉపవాస సమయంలో దీన్ని తీసుకోవడం వల్ల మీ శరీరం శక్తివంతంగా ఉంటుంది.

కడుపు నిండుగా ఉంటుంది

దానిమ్మ రసం తాగడం వల్ల మీ కడుపు చాలా సేపు నిండినట్లు అనిపిస్తుంది. ఇది అతిగా తినకుండా నిరోధిస్తుంది. అంతేకాకుండా ఇది బరువు తగ్గించడంలో కూడా సహాయపడుతుంది.

శరీరం హైడ్రేటెడ్ గా ఉంటుంది

దానిమ్మ రసంలో ఉండే యాంటీఆక్సిడెంట్లు శరీరాన్ని హైడ్రేటెడ్‌గా ఉంచుతాయి. ఇది నిర్జలీకరణం వల్ల కలిగే తలతిరుగుడు, బలహీనతను నివారిస్తుంది.

అలసట పోతుంది

ఈ ఎర్రటి పండులో అనేక పోషకాలు పుష్కలంగా ఉన్నాయి. ఇవి శరీరానికి చాలా శక్తిని ఇవ్వడం ద్వారా శరీర అలసటను తొలగించడానికి పనిచేస్తాయి.

జీర్ణక్రియకు సహాయపడుతుంది

దానిమ్మ రసం మీ జీర్ణక్రియను ఆరోగ్యంగా ఉంచడంలో కూడా సహాయపడుతుంది. ఇది మలబద్ధకాన్ని నివారించడానికి కూడా సహాయపడుతుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

శంభో.. శివ శంభో..

శ్రీశైలానికి పోటెత్తిన భక్తులు