TDP: కొత్తగా చేరిన వారందరికీ పార్టీలో సముచితస్థానం
ABN, First Publish Date - 2022-11-27T21:21:50+05:30
జంగారెడ్డిగూడెం (ఏలూరు జిల్లా): తెలుగుదేశం పార్టీలో చేరిన వారందరికీ పార్టీలో సముచిత స్థానం కల్పిస్తామని పోలవరం (Polavaram) నియోజకవర్గ కన్వీనర్ బొరగం శ్రీనివాసులు (Boragam Srinivasulu) పేర్కొన్నారు. బుట్టాయగూడెం మండలం దొరమామిడి పంచాయతీలోనీ
జంగారెడ్డిగూడెం (ఏలూరు జిల్లా): తెలుగుదేశం పార్టీలో చేరిన వారందరికీ పార్టీలో సముచిత స్థానం కల్పిస్తామని పోలవరం (Polavaram) నియోజకవర్గ కన్వీనర్ బొరగం శ్రీనివాసులు (Boragam Srinivasulu) పేర్కొన్నారు. బుట్టాయగూడెం మండలం దొరమామిడి పంచాయతీలోనీ వీరమద్దిగూడెనికి చెందిన 150 మంది, గుల్లపుడి గ్రామానికి చెందిన 50 మంది వివిధ పార్టీల నుంచి టీడీపీలో చేరారు. వారికి బొరగం శ్రీనివాసులు పార్టీ కండువా కప్పి పార్టీలోకి ఆహ్వానించారు. అనంతరం ఆయన మాట్లాడుతూ సీఎం జగన్ (CM Jagan) ప్రజా వ్యతిరేక విధానాలను ఎప్పటికప్పుడు జనంలోకి తీసుకెళ్లాలని సూచించారు. వచ్చే ఎన్నికల్లో పార్టీ గెలుపునకు కష్టపడి పనిచేయాలని కోరారు. డిసెంబర్ ఒకటవ తేదీన టీడీపీ అధినేత నారా చంద్రబాబు నాయుడు (Nara Chandrababu Naidu) పోలవరం నియోజకవర్గంలో పర్యటిస్తున్నందున అధిక సంఖ్యలో పాల్గొని విజయవంతం చేయాలని విజ్ఞప్తి చేశారు. కార్యక్రమంలో ఎస్టీ సెల్ రాష్ట్ర కార్యదర్శి సున్నం నాగేశ్వరరావు, నియోజకవర్గ ఎస్టీ సెల్ అధ్యక్షుడు మడకం రామకృష్ణ, నియోజకవర్గ ఉపాధ్యక్షులు తెల్లం వెంకటేశ్వరరావు, చిలకమూడి సుధాకర్, పసుమర్తి భీమేశ్వరరావు, ఆదినారాయణ, కలకర ప్రతాప్ రెడ్డి, బాలిరెడ్డి తదితరులు ఉన్నారు.
Updated Date - 2022-11-27T21:26:43+05:30 IST