కోడి కూసిందని పోలీస్ స్టేషవ్ కు వెళ్ళిన డాక్టర్.. నెట్టింట వైరల్ అవుతున్న న్యూస్..
ABN , First Publish Date - 2022-12-01T13:50:34+05:30 IST
అది అలారం కంటే దారుణంగా ఆపకుండా అరుస్తూనే ఉందట..
ఒకప్పుడు గ్రామాల్లో అలారం ఉండేది కాదు. వ్యవసాయం ఎక్కువ కాబట్టి కోడి కూయగానే సమయమెంత అనే పని లేకుండా లేచి పనులు చేసుకునేవాళ్ళు. ఇప్పుడు ఇండోర్ లో కూడా అలారమ్ ల నుండి కోళ్ళ వైపుకు ట్రెండ్ మారింది. అక్కడ ప్రతిరోజు కోళ్ళే నిద్రలేపుతున్నాయట. అయితే ఈ కోళ్ళు కూయడం వలన ఓ డాక్టర్ కు విసుగొచ్చింది. ఆయన తను హాస్పిటల్ కు వెళ్ళి డ్యూటీ చూసుకుని ఏ అర్ధరాత్రో ఇంటికి చేరుకుంటాడట. అయితే పక్కింట్లో ఉన్న కోళ్ళు మాత్రం అలారం కంటే దారుణంగా ఆపకుండా అరుస్తూనే ఉన్నాయట. ఆ కోళ్ళ అరుపులకు మెలకువ వచ్చి మళ్ళీ నిద్రపోలేక ఈయన సరాసరి నేరుగా పోలీసుల దగ్గరకు వెళ్ళి తన పరిస్థితి వివరించాడు.
ఆయన ఫిర్యాదు విన్న పోలీసులు కోడి కూయక గమ్మునుంటుందా అని మనసులో అనుకుని... ఆయన్ను సర్ధి చెప్పడానికి ప్రయత్నించారు. మీరు మీ పక్కింటి వాళ్ళు ఆరోగ్యకరంగా చర్చించుకుని సమస్య పరిష్కారం కాకపోతే అప్పుడు ఇక్కడ ఫిర్యాదు ఇవ్వండి అని నచ్చ జెప్పారు. అయితే ఆ డాక్టర్ మాత్రం వాళ్ళ ఇంట్లో కోళ్ళు మాత్రమే కాదు, బాగా మొరిగే కుక్కలు కూడా నాలుగున్నాయని తన గోడును పోలీసుల ముందు వెళ్లగక్కాడు. కుక్కలు, కోళ్ళు అరవక, మొరగక సైలెంట్ గా ఎలా ఉంటాయి చెప్మా.. అనుకుంటున్నారు నెటిజన్లు. ఆ పోలీసులు మాత్రం మీరు మాట్లాడిన తరువాత సమస్య పరిష్కారం కాకపోతే క్రిమినల్ ప్రోసీజర్ కోడ్ 133 ప్రకారం చర్యలు తీసుకుంటాం లెండి అని డాక్టరును పంపేశారు.
