MLA Rajasingh: జోకర్ కేటీఆర్, బట్టేవాజ్ సీఎం కేసీఆర్
ABN, First Publish Date - 2022-12-14T14:23:27+05:30
ముఖ్యమంత్రి కేసీఆర్, మంత్రి కేటీఆర్‌పై గోషామహల్ ఎమ్మెల్యే రాజాసింగ్ మరోసారి ఘాటైన వ్యాఖ్యలు చేశారు.
హైదరాబాద్: ముఖ్యమంత్రి కేసీఆర్ (Telangana CM KCR), మంత్రి కేటీఆర్ (Minister KTR)పై గోషామహల్ ఎమ్మెల్యే రాజాసింగ్ (Goshamahal MLA Raja singh) మరోసారి ఘాటైన వ్యాఖ్యలు చేశారు. జోకర్ కేటీఆర్, బట్టేవాజ్ సీఎం కేసీఆర్ అంటూ తీవ్ర వ్యాఖ్యలు చేశారు. ఓల్డ్ సిటీకి మెట్రో విస్తరణ కోసం నిరసన తెలియచేస్తే ముందస్తు అరెస్టు‌లు చేశారని మండిపడ్డారు. బీజేపీ డిమాండ్‌లో ఏం తప్పుందని ప్రశ్నించారు. అసెంబ్లీ సాక్షిగా స్పీచ్ ఇస్తారు కానీ అమలు చేయరన్నారు. ఎంఐఎం ఫ్లోర్ లీడర్స్ కూడా అసెంబ్లీలో మెట్రో కావాలని అడిగి... సీఎం ఛాంబర్‌కు వెళ్లి ఓల్డ్ సిటీకి మెట్రో వద్దంటారని విమర్శించారు. ఓల్డ్ సిటీ డెవలప్ ఐతే వారికి రాజకీయ భవిష్యత్ ఉండదనే భావనతోనే అభివృద్ధి కానివ్వండం లేదన్నారు. ‘‘ఓల్డ్ సిటీలో ఉన్న ముస్లింలకు చెప్పది ఒక్కటే మీకోసం పోరాటం చేసేది బీజేపీనే..మీ ఏరియా డెవలప్మెంట్ కావాలి అంటే బీజేపీ కి మద్దతు ఇవ్వండి. వచ్చేంది బీజేపీ ప్రభుత్వమే అని మీరు గుర్తు పెట్టుకోండి’’ అంటూ రాజాసింగ్ (BJP MLA))పేర్కొన్నారు.
Updated Date - 2022-12-14T16:15:29+05:30 IST