Flexi War: వినుకొండలో ఫ్లెక్సీ వార్.. లోకేశ్ యువగళం ఫ్లెక్సీలకు దొరకని హోర్డింగ్స్
ABN, First Publish Date - 2023-08-02T14:39:46+05:30
టీడీపీ జాతీయ ప్రధాన కార్యదర్శి నారా లోకేశ్ యువగళం పాదయాత్ర మొదలైనప్పటి నుంచి అధికారపక్షం ఏదో రకంగా ఆటంకాలు సృష్టిస్తూనే ఉన్న విషయం తెలిసిందే.
పల్నాడు: టీడీపీ జాతీయ ప్రధాన కార్యదర్శి నారా లోకేశ్ (Nara lokesh) యువగళం పాదయాత్ర (YuvaGalam Padayatra) మొదలైనప్పటి నుంచి అధికారపక్షం ఏదో రకంగా ఆటంకాలు సృష్టిస్తూనే ఉన్న విషయం తెలిసిందే. పలు చోట్ల సభలకు అనుమతివ్వకపోవడం, మాట్లాడనీయకుండా మైక్‌లు లాగేసుకోవడం, ఎక్కువ మంది పాదయాత్రకు రానీయకుండా అడ్డుకోవడం... ఇలా చెప్పుకుంటూ పోతే ఎన్నో రకాలకు ఇబ్బందులకు గురిచేస్తూనే ఉంది. ఇప్పుడు తాజాగా ఫ్లెక్సీల వార్ తెరపైకి వచ్చింది. టీడీపీ యువనేత లోకేశ్ ప్రస్తుతం గుంటూరు జిల్లాలో పాదయాత్ర చేస్తున్నారు. ఈ సందర్భంగా వినుకొండలో ఈరోజు సాయంత్రం భారీ బహిరంగ సభ జరుగనుంది. ఈ క్రమంలో వినుకొండలో లోకేశ్ ఫ్లెక్సీలు ఏర్పాటు చేయాలని టీడీపీ నిర్ణయించింది. అయితే టీడీపీకి ఆ అవకాశం ఇవ్వకుండా ఎమ్మెల్యే బొల్లా పేరిట వినుకొండ పట్టణమంతా వైసీపీ ఫ్లెక్సీలు ఏర్పాటు చేశారు. లోకేశ్ యువగళం ఫ్లెక్సీలకు హోర్డింగ్‌లు దొరకకుండా చేశారు. దీంతో ఫ్లెక్సీలు పెడదామనుకున్న టీడీపీ శ్రేణులకు నిరాశే ఎదురైంది. వైసీపీ ఎమ్మెల్యే బొల్లా తీరుపై టీడీపీ నేతలు తీవ్ర ఆగ్రహం వ్యక్తం చేస్తున్నారు.
Updated Date - 2023-08-02T15:17:11+05:30 IST