CM Jagan: అనంత పర్యటనను రద్దు చేసుకుని మరీ ముఖ్యనేతలతో జగన్ భేటీ.. ఎందుకంటే..
ABN, First Publish Date - 2023-04-17T13:44:00+05:30
వైసీపీ ముఖ్య నేతలతో ముఖ్యమంత్రి వైఎస్ జగన్ మోహన్ రెడ్డి సోమవారం ఉదయం క్యాంపు కార్యాలయంలో సమావేశమయ్యారు.
అమరావతి: వైసీపీ ముఖ్య నేతలతో ముఖ్యమంత్రి వైఎస్ జగన్ మోహన్ రెడ్డి (AP CM YS JaganMohan Reddy) సోమవారం ఉదయం క్యాంపు కార్యాలయంలో సమావేశమయ్యారు. అనంతపురం పర్యటన, అధికారిక సమీక్షలు రద్దు చేసుకుని మరీ ముఖ్య నేతలతో సీఎం సమావేశాన్ని ఏర్పాటు చేశారు. పార్టీ ముఖ్య నేతలు సజ్జల రామకృష్ణారెడ్డి (Sajjala Ramakrishna Reddy), వైవి సుబ్బారెడ్డి (YV Subbareddy), ఎమ్మెల్యే చెవిరెడ్డి భాస్కర్ రెడ్డి (MLA Chevireddy Bhaskar Reddy) సమావేశంలో పాల్గొన్నారు. మాజీ మంత్రి వైఎస్ వివేకానందరెడ్డి హత్య కేసులో నేడు సీబీఐ విచారణకు హాజరయ్యేందుకు హైదరాబాద్‌కు బయలుదేరిన ఎంపీ అవినాష్‌రెడ్డిని ఎమ్మెల్యే చెవిరెడ్డి కలిసి వచ్చారు. ఈ కేసుకు సంబంధించి మధ్యాహ్నం 3 గంటలకు ఎంపీ అవినాష్ రెడ్డి సీబీఐ ముందు విచారణకు హాజరుకానున్నారు. ఇదే కేసులో అవినాష్ రెడ్డి తండ్రి భాస్కర రెడ్డిని నిన్న సీబీఐ అరెస్ట్ చేసిన విషయం తెలిసిందే. వివేకా హత్య కేసులో అవినాష్ రెడ్డిని సీబీఐ విచారించనుంది. అవినాష్ రెడ్డిని అరెస్టు చేయకుండా తెలంగాణ హైకోర్టులో ముందస్తు బెయిల్ పిటిషన్ దాఖలైంది. ఈ క్రమంలో తాజా పరిణామాల దృష్ట్యా తీసుకోవాల్సిన చర్యలపై ముఖ్య నేతలతో సీఎం జగన్ మోహన్ రెడ్డి కీలకంగా చర్చిస్తున్నట్లు సమాచారం.
Updated Date - 2023-04-17T13:44:00+05:30 IST