Ramakrishna: సీఐడీని జగన్‌రెడ్డి ప్రైవేట్ సెక్యూరిటీగా మార్చారు
ABN, First Publish Date - 2023-09-11T22:55:28+05:30
ఆంధ్రప్రదేశ్‌లో సీఐడీని ముఖ్యమంత్రి జగన్మో‌హన్‌రెడ్డి ప్రైవేట్ సెక్యూరిటీగా మార్చారని సీపీఐ రాష్ట్ర కార్యదర్శి రామకృష్ణ(Ramakrishna) వ్యాఖ్యానించారు.
విజయవాడ: ఆంధ్రప్రదేశ్‌లో సీఐడీని ముఖ్యమంత్రి జగన్మో‌హన్‌రెడ్డి ప్రైవేట్ సెక్యూరిటీగా మార్చారని సీపీఐ రాష్ట్ర కార్యదర్శి రామకృష్ణ(Ramakrishna) వ్యాఖ్యానించారు. సోమవారం నాడు సీపీఐ కార్యాలయంలో ఆయన మీడియాతో మాట్లాడుతూ..శాంతియుతంగా ధర్నా చేస్తుంటే సీపీఐ నాయకులను అక్రమంగా అరెస్ట్ చేశారు.రాష్టంలో జగన్‌రెడ్డి అరాచక పాలన కొనసాగిస్తున్నారు. రేపు అన్ని రాజకీయ పార్టీలు, మేధావులతో కలిసి రౌండ్ టేబుల్ సమావేశం నిర్వహిస్తాం. జగన్‌రెడ్డి ప్రభుత్వానికి రానున్న రోజుల్లో ప్రజలు తగిన బుద్ధి చెబుతారు. వైఎస్ రాజశేఖర్‌రెడ్డి ప్రతి పక్షంలో ఉన్నప్పుడు కూడా ఇలాంటి శాంతియుత ధర్నాలు చేశారు. కానీ ఎక్కడ ఇలాంటి అరెస్ట్‌లు చేయలేదు. అరెస్ట్ చేసిన టీడీపీ కార్యకర్తలను వెంటనే విడుదల చేయాలని రామకృష్ణ డిమాండ్ చేశారు.
Updated Date - 2023-09-11T22:55:28+05:30 IST