Kollu Ravindra: ఎన్నికల్లో వైసీపీకి ఉద్యోగులు తగిన బుద్ధి చెబుతారు
ABN, First Publish Date - 2023-09-28T14:55:52+05:30
మన జిల్లాలో బోడె ప్రసాద్ ఆమరణ దీక్ష చేయడం అభినందనీయం. స్కిల్ డెవలప్‌మెంట్ కేసులో మొదట చంద్రబాబు పేరు లేదు. తర్వాత ఆయన పేరు నమోదు చేశారు. ప్రపంచంలో తెలుగు వాళ్లు అనేక
కృష్ణాజిల్లా: విలువలు కలిగిన నేత చంద్రబాబు అని టీడీపీ పొలిట్‌బ్యూరో సభ్యులు కొల్లు రవీంద్ర (Kollu Ravindra) అన్నారు. చంద్రబాబుకు (Chandrababu) మద్దతుగా పోరంకిలో తన నివాసంలో బోడె ప్రసాద్ ఆమరణ నిరాహార దీక్ష చేస్తున్నారు. దీనికి కొల్లు రవీంద్ర సంఘీభావం తెలిపి మాట్లాడారు. ‘‘మన జిల్లాలో బోడె ప్రసాద్ ఆమరణ దీక్ష చేయడం అభినందనీయం. స్కిల్ డెవలప్‌మెంట్ కేసులో మొదట చంద్రబాబు పేరు లేదు. తర్వాత ఆయన పేరు నమోదు చేశారు. ప్రపంచంలో తెలుగు వాళ్లు అనేక ఉన్నత పదవులు అనుభవిస్తున్నారు అంటే దానికి చంద్రబాబు పునాదులు వేశారు. గ్రామ వాలంటీర్లకు సాక్షి పేపర్ వేయమని వైసీపీ ప్రభుత్వం (YCP Government) చెబుతుంది. కొడాలి నాని బూతులు కోసం ప్రెస్ మీట్ పెడుతున్నారు. పేర్ని నాని నోటికి వచ్చినట్లు మాట్లాడుతున్నారు. వైసీపీకి అభ్యర్థులే లేరు. ఎన్నికల్లో ఉద్యోగులు వైసీపీకి తగిన బుద్ధి చెబుతారు.’’ అని కొల్లు రవీంద్ర వ్యాఖ్యానించారు.
Updated Date - 2023-09-28T14:55:52+05:30 IST