Nakka Anand Babu: జగన్‌‌పై నక్కా ఆనందబాబు సంచలన ఆరోపణలు
ABN, First Publish Date - 2023-04-02T16:02:23+05:30
వైఎస్సార్ కాంగ్రెస్ పార్టీ అధ్యక్షుడు, ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్‌మోహన్ రెడ్డి (YS Jaganmohan Reddy)పై టీడీపీ నేత, మాజీ మంత్రి నక్కా ఆనందబాబు (Nakka Anand Babu) విమర్శలు గుప్పించారు.
అమరావతి: వైఎస్సార్ కాంగ్రెస్ పార్టీ అధ్యక్షుడు, ఆంధ్రప్రదేశ్ రాష్ట్ర ముఖ్యమంత్రి వైఎస్ జగన్‌మోహన్ రెడ్డి (YS Jaganmohan Reddy)పై టీడీపీ నేత, మాజీ మంత్రి నక్కా ఆనందబాబు (Nakka Anand Babu) విమర్శలు గుప్పించారు. ప్రభుత్వ వైఫల్యాలపై ప్రశ్నిస్తే దాడులు చేస్తున్నారని ఆగ్రహం వ్యక్తం చేశారు. ఏపీ సంపదను తాబేదారులకు దోచిపెడుతున్నారని, దోచుకో.. పంచుకో.. దాచుకో అన్నట్లుగా జగన్‌రెడ్డి పాలన ఉందని నక్కా ఆనందబాబు ఆరోపించారు. జగన్‌ ప్రభుత్వానికి రోజులు దగ్గరపడ్డాయని, వైసీపీని గద్దెదించేందుకు ప్రజలు సిద్ధంగా ఉన్నారని ఆనందబాబు జోస్యం చెప్పారు.
రాష్ట్రమంతటా వైసీపీ (YCP) దాడులకు తెగబడుతోందని, తెనాలి వైసీపీ నేతలపై ఆయన ఆగ్రహం వ్యక్తం చేశారు. తెనాలి చరిత్రను వైసీపీ నాశనం చేస్తోందని నక్కా ఆనందబాబు విమర్శించారు. తెనాలి చరిత్రను కాపాడుకుంటామన్నారు. ఎమ్మెల్సీ ఫలితాలు చూసైనా అధికారులలో మార్పు రావాలన్నారు. తమ వద్ద అందరి చిట్టా ఉందని, ఎవ్వరిని వదిలిపెట్టమని.. చర్యలకు ప్రతి చర్య తప్పకుండా ఉంటుందని నక్కా ఆనంద బాబు హెచ్చరించారు.
Updated Date - 2023-04-02T16:05:34+05:30 IST