Somireddy Chandramohan Reddy: రెండువేల కి.మీ పాదయాత్ర చేసి లోకేశ్ హీరో అయ్యారు
ABN, First Publish Date - 2023-07-12T15:11:50+05:30
టీడీపీ యువనేత నారా లోకేశ్ యువగళం పాదయాత్ర రెండు వేల కిలోటర్లు పూర్తి చేసి హీరో అయ్యారని మాజీ మంత్రి సోమిరెడ్డి చంద్రమోహన్ రెడ్డి అన్నారు.
నెల్లూరు: టీడీపీ యువనేత నారా లోకేశ్ (TDP Leader Nara lokesh) యువగళం పాదయాత్ర రెండు వేల కిలోమీటర్లు పూర్తి చేసి హీరో అయ్యారని మాజీ మంత్రి సోమిరెడ్డి చంద్రమోహన్ రెడ్డి (Former Minister Somireddy Chandramohan Reddy) అన్నారు. లోకేశ్ ప్రజలు, రైతుల సమస్యలు తెలుసుకుంటూ దిగ్విజయంగా ముందుకెళ్తున్నారన్నారు. రొయ్యల రైతులను, ధాన్యం రైతులను మీరు ముంచితే.. పాత కరెంటు రేటు ఇస్తానని భరోసా ఇచ్చారు లోకేశ్ అని చెప్పారు. టీడీపీ ప్రభుత్వంలో ప్రారంభించిన పనులను రివర్స్ టెండర్ పేరుతో వైసీపీ ప్రభుత్వం ఆపేసిందని మండిపడ్డారు. వైసీపీ మంత్రులకు, శాసన సభ్యులకు లోకేష్ పాదయాత్ర చూస్తే రాత్రుల్లో నిద్ర పట్టడం లేదన్నారు. పాదయాత్ర విజయాన్ని చూసి ఓర్చుకోలేక వైసీపీ మంత్రులు, శాసనసభ్యులు పిచ్చి కూతలు కూస్తున్నారని మండిపడ్డారు. ప్రజలపై మోపుతున్న కరెంట్ చార్జీలు రాజా రెడ్డి, రాజశేఖర్ రెడ్డి కడతారా అంటూ ఆగ్రహం వ్యక్తం చేశారు. లక్షల మందికి సేల్ఫీ ఇచ్చి లోకేశ్ చరిత్ర సృష్టించారన్నారు. బూడిద, మట్టి, ఇసుక, గ్రావెల్ ద్వారా మంత్రి కాకాణి రెండు వేల కోట్లు దోచుకున్నారని ఆరోపించారు. అధికారాన్ని అడ్డుపెట్టుకుని డబ్బులు సంపాదించిన వైసీపీ వారికి గ్రేడ్ ఇస్తే మొదటి రెండు స్థానాలు సర్వేపల్లి, కావలి ఉంటాయన్నారు. సర్వేపల్లిలో లోకేష్ పాదయాత్ర, బహిరంగ సభ విజయం కావడంతో మంత్రికి అధిష్టానం నుంచి మొట్టికాయలు వేశారని సోమిరెడ్డి చంద్రమోహన్ రెడ్డి వ్యాఖ్యలు చేశారు.
Updated Date - 2023-07-12T15:11:50+05:30 IST