Atchannaidu: తాటాకు చప్పుళ్లకు భయపడం.. మా పోరాటం ఆగదు
ABN, First Publish Date - 2023-08-05T12:21:20+05:30
ప్రజాస్వామ్యాన్ని ఏపీ సీఎం జగన్మోహన్ రెడ్డి అపహాస్యం చేస్తున్నారని టీడీపీ రాష్ట్ర అధ్యక్షులు అచ్చెన్నాయుడు విరుచుకుపడ్డారు.
అమరావతి: ప్రజాస్వామ్యాన్ని ఏపీ సీఎం జగన్మోహన్ రెడ్డి (AP CM YS Jaganmohan Reddy) అపహాస్యం చేస్తున్నారని టీడీపీ రాష్ట్ర అధ్యక్షులు అచ్చెన్నాయుడు (TDP Leader Atchannaidu) విరుచుకుపడ్డారు. శనివారం మీడియాతో మాట్లాడుతూ... వైసీపీ ప్రభుత్వ ప్రజా వ్యతిరేక విధానాలను ప్రశ్నిస్తే దాడులు, హత్యలకు పాల్పడుతున్నారని మండిపడ్డారు. నిన్న (శుక్రవారం) పుంగునూరులో చంద్రబాబుపై(TDP Chief Chandrababu Naidu) రాళ్లదాడి చేశారని.. నేడు పల్నాడులో టీడీపీ సానుభూతిపరుడు కోటయ్యపై వైసీపీ నేత కృష్ణమూర్తి దాడి చేసి తలపగలకొట్టారని ఆగ్రహం వ్యక్తం చేశారు. పోలీసులకు ఫిర్యాదు చేసినందుకు కోటయ్యపై వైసీపీ గూండాలు రెండోసారి దాడికి తెగబడ్డారన్నారు. కేసు నమోదు చేయకుండా వైసీపీ నేతలకు పోలీసులు కాపుగాస్తున్నారని ఆరోపించారు. ఎన్ని దాడులు చేసినా జగన్ రెడ్డి తాటాకు చప్పుళ్లకు భయపడమని.. జగన్ రెడ్డి అరాచకాలపై పోరాటం కొనసాగిస్తామని అచ్చెన్నాయుడు స్పష్టం చేశారు.
Updated Date - 2023-08-05T12:21:20+05:30 IST